Hopp til innhold

Ingrid Bolsø Berdal fornøgd utan Emmy

Det blei ingen Emmy til HBO-serien «Westworld» i natt. Men norske Ingrid Bolsø Berdal var likevel fornøgd etter prisutdelinga.

TELEVISION-WESTWORLD/PREMIERE

HBO-serien «Westworld» måtte gå tomhendte frå Emmy-utdelinga i natt, men Ingrid Bolsø Berdal spelar roboten Armistice i serien. Dette er frå premieren på serien i september i fjor.

Foto: PHIL MCCARTEN / Reuters

Seriane «The Handmaid's Tale» og «Big Little Lies» blei dei to store vinnarane då den amerikanske tv-prisen Emmy blei delt ut i Los Angeles natt til måndag. Og det var den første som utkonkurrerte HBO-serien «Westworld» i klassen beste drama.

Westworld handlar om ein fornøyelsespark med westerntema der rike menneske får levd ut fantasiane sine. Norske Ingrid Bolsø Berdal spelar roboten Armistice i serien. Ho var på plass under prisutdelinga i natt. Men sjølv om dei måtte gå tomhendte heim, seier ho til NRK at det var moro å vere der.

– Det har vore både interessant og morosamt. Og kanskje litt langvarig. Dette er litt av eit sirkus, og det har vore moro å få sjå det innanfrå.

I løpet av kvelden delte ho også opplevingane sine med følgjarane ho har på Instagram.

Stort show

Berdal tidlegare vore programleiar for Amanda-utdelinga, og har også fleire gongar vore nominert til norske filmprisar. Men sjølv om det er mykje som er stort ved Emmy-utdelinga, er det mykje som er kjent også.

– Alt er nokre hakk større enn Amanda og andre norske prisshow. Det er fleire folk her og meir presse. Men samtidig er det bygd over same lesten. Eg har vore gjennom nokre Amanda-utdelingar, og dette er jo det same konseptet. Det er berre i eit større format.

Tidleg kveld

Sjølv om det ikkje blei nokon pris, blei det fest på Ingrid Bolsø Berdal og dei andre skodespelarane i «Westworld». Då NRK snakka med henne, var ho klar til å entre etterfesten HBO skulle arrangere.

– Dette er berykta fest, har eg fått høyre. I år ser det ut som om det er kinesisk tema. Det blir fest, men eg kjem nok ikkje til å halde ut heile natta, sjølv om eg er trønder. Det blir nok ein svingom, litt mat, og så blir det heim for å sove.

Kulturstrøm

  • Sjette førsteplass på albumlisten for Ariana Grande

    Ariana Grande sikrer seg sin sjette førsteplass på den amerikanske albumlisten med sitt sjuende studioalbum.

    – En uke med evig solskinn, skrev Ariana Grande i helgen på Instagram – og siktet til suksessen som hennes sjette album, kalt nettopp «Eternal Sunshine», har.

    Utgivelsen solgte det som tilsvarer 227.000 albumenheter i sin første uke, noe som er årets beste hittil, ifølge Billboard. Blant annet ble låtene strømmet 195 millioner ganger. Den nye platen, som også topper VG-lista her hjemme, er laget i samarbeid med svenskene Max Martin og Ilya Salmanzadeh.

    Grande har tidligere toppet albumlisten med «Positions» (2020), «Thank U, Next» (2019), «Sweetener» (2018), «My Everything» (2014) og «Yours Truly» (2013). 2016-platen «Dangerous Woman» kom «bare» til en andreplass.

    Ariana Grande
    Foto: AFP
  • Fem land vil ha «Cammo»

    NRK har inngått opsjonsavtale med Tyskland, Frankrike, Spania, Belgia og Nederland om nyinnspillinger av dramakomedien «Cammo».

    Over 700.000 så første sesong av «Cammo». Serien handler om influenseren Cammo, som går konkurs og må ta på seg jobben som støttekontakt for Kamilla med Downs syndrom.

    – Dette er helt surrealistisk! At humoren og historien i «Cammo» kan treffe både spanjoler og tyskere er skikkelig gøy. Jeg gleder meg til å se hvordan de forskjellige landene tolker manus, og er så takknemlig og glad for at historien om Cammo og Kamilla potensielt skal bli fortalt til så mange millioner mennesker, sier Caroline Glomnes, serieskaper og hovedrolleinnhaver.

    Katelyn Garbin og Caroline Glomnes i rollene som Kamilla og Cammo.
    Foto: NRK

Flere kulturnyheter