Harry Potter er antikrist, ein vond skapning. Det direkte motsette av Jesus Kristus.
Det er i alle fall historia i Alan Moore sin nye teikneserie «Century 2009», skriv EW.
Namnet Harry Potter blir ikkje nemnt, men leietrådane er mange. Eit magisk tog, ein magisk skule, eit skjult arr.
Det er berre det at i Moore sin forteljing er Harry Potter besett, og det er han som terroriserer elevane på skulen.
Lik ligg strødde og born ber om nåde. Det er langt frå den Harry Potter me kjenner.
- LES OGSÅ:
Skråblikk på populærkultur
Alan Moore er ein britisk teikneserieskapar, kjent for mellom anna «Watchmen» og «V for Vendetta».
«Century» er tredje del av serien «The League of Extraordinary Gentlemen», og består av «Century 1910» «Century 1969», og no blir «Century 2009» snart å finne i hyllene.
«Century 1969» vart ein av dei mestseljande teikneseriane i 2011, og fans ventar spente på fortsetjinga.
Serien tek føre seg vår populærkultur, med innslag av Shakespeare, Sherlock Holmes og «2001: A Space Odyssey».
Og no også Harry Potter.
- LES OGSÅ:
Kvifor Harry Potter?
Laura Sneddon frå The Independent meiner skurken Harry Potter representerer korleis historier blir erstatta av varemerke med eitt føremål: å tene pengar.
– I dag blir filmrettane kjøpt før noko i det heile er publisert, teikneseriar blir laga som «storyboards» til film, og tenåringskjendisar skriv memoarar, skriv Sneddon.
– Og kven er vel ein betre representant for moderne popkultur en J.K. Rowling sin trollmann? spør ho.
Teikneserien blir å få kjøpt på nett frå 27. juni, 2012.
- LES OGSÅ:
- LES OGSÅ: