Hopp til innhold

Forlag får millionbot: – Me er fundamentalt ueinige i vurderinga

Konkurransetilsynet ilegg Noregs fire største forlag eit gebyr på 545 millionar for prissamarbeid. Gyldendal seier dei er totalt ueinige i tilsynets vurdering.

Leser i en bok foran en bokhylle i en bokhandel.
Foto: Gorm Kallestad / NTB

«Det er ulovlig for konkurrenter å dele informasjon som kan begrense konkurransen i et marked», melder Konkurransetilsynet.

Dei skuldar no dei fire største forlaga i landet, Gyldendal, Cappelen Damm, Vigmostad & Bjørke og Aschehoug, og Bokbasen for å ulovleg ha delt informasjon om framtidige bokprisar.

Konsernsjef Tørres Thuv i Gyldendal stiller seg «fundamentalt uenige i tilsynets vurdering» i ei børsmelding, og skriv vidare at dei vil forfølga saka vidare:

«Bokbasen gir alle offentlig og lik tilgang på informasjon om alle bokutgivelser, og er helt vesentlig for å gi befolkningen et bredt tilbud av litteratur. Den er ikke innrettet for å utveksle konkurransesensitiv informasjon, har ikke egnet seg til dette og har ikke vært brukt til dette. Det foreligger heller ikke noe som viser en slik adferd fra de involverte partene».

John Tørres Thuv

Konsernsjef Tørres Thuv i Gyldendal.

Foto: Petter Sommer / NRK

– Me er skaka

Bokbasen tilbyr fleire digitale abonnement, og er eigd av dei fire forlaga. Eitt av abonnementa dei tilbyr er Mentor Forlag, og det er gjennom dette at Konkurransetilsynet meiner forlaga skal delt og mottatt konkurransesensitiv informasjon.

Konkurransetilsynet opplyser til NRK at dei gjennom etterforsking har funne mange bevis på at forlaga har delt denne informasjonen i ein database alle hadde tilgang til.

– Dette har gitt aktørane fullstendig oversikt over kvarandre si framferd i marknaden, og kan ha ført til at me forbrukarar har måtta betala høgare prisar på bøker, seier konkurransedirektør Tina Søreide i ei pressemelding.

Tina Søreide

Konkurransedirektør Tina Søreide i Konkurransetilsynet.

Foto: Bjørn Olav Nordahl / NRK

Konsernsjef og forleggar Mads Nygaard i Aschehoug seier i ein kommentar at dei er skaka over kvaliteten på Konkurransetilsynets arbeid.

Forlaget opplyser vidare i ei pressemelding at dei klager på Konkurransetilsynets vedtak, og hevdar påstandane og vedtaket er feil.

Administrerande direktør Tom Harald Jenssen i Cappelen Damm seier i ei pressemelding at for dei, framstår ei slik verkelegheitsbeskriving som fullstendig absurd.

Dei kallar vedtaket for «et grunnløst angrep på norsk bokbransje».

1000272550

Administrerande direktør Tom Harald Jenssen i Cappelen Damm

Foto: Norrud, Erik / Samfoto Dagsavisen

– Går utover forbrukarane

Nese i Konkurransetilsynet seier han ikkje er overraska over at selskapa er ueinige i dette vedtaket, men presiserer at arbeidet deira er basert på ei omfattande vurdering av alle sider i denne saka.

– Utveksling av denne informasjonen, for eksempel om framtidige prisar på bøker, er midt i kjernen av det som skadar konkurransen. Dei høge gebyra som er gitt i saka reflekterer at me ser på dette som eit alvorleg brot på konkurranselova, seier Nese til NRK.

Han peikar vidare på at brot på konkurranselova til sjuande og sist alltid går utover forbrukarane.

I denne saka er det grunn til å tru at samarbeidet har ført til at prisane på bøker har blitt høgare enn dei elles ville vore.

Gjermund Nese, avdelingsdirektør Konkurransetilsynet

Avdelingsdirektør Gjermund Nese i Konkurransetilsynet meiner at det er forbrukarane som til sjuande og sist tapar på det dei omtaler som eit alvorleg brot på konkurranselova.

Foto: Konkurransetilsynet

– Alvorleg

– Det er jo alvorleg når det kjem skuldingar på ein halv milliard. Ut ifrå informasjonen eg har fått, kjem alle forlag til å bestrida gebyret, seier leiar Heidi Austlid i Forleggerforeningen til NRK.

Ho understrekar at dei foreløpig ikkje har noko meir informasjon utover det som Konkurransetilsynet har skrive tysdag føremiddag.

– Så no er det opp til dei stemna partane å bestrida eller klaga dette inn for Konkurranseklagenemnda.

Allereie i 2020 varsla Konkurransetilsynet at dei ville pålegga dei fem aktørane gebyr.

Bobasen AS blir pålagt eit lovbrotsgebyr på 4.1 millionar kroner for å legga til rette for informasjonsutvekslinga gjennom Mentor Forlag.

Cappelen Damm får eit gebyr på 131,4 millionar kroner for bevisst utveksling av sensitiv informasjon. Vigmostad & Bjørke AS/Forlagshuset Vigmostad & Bjørke AS får eit gebyr på 92,6 millionar kroner, medan Gyldendal Norsk Forlag AS/Gyldendal ASA og Aschehoug får eit lovbrotsgebyr på høvesvis 252,1 millionar kroner og 64,6 millionar kroner.

Kulturstrøm

  • Nynorsk litteraturpris til Edvard Hoem

    Edvard Hoem er tildelt Nynorsk litteraturpris 2023 for boka Husjomfru.

    Prisen er på 50 000 kroner og blir tildelt på landsmøtet til Noregs Mållag i helga.

    Litteraturprisen er blitt delt ut sidan 1982, og saman med mållaget er det Det Norske Samlaget og Det Norske Teatret som står bak prisen.

    Husjomfru av Edvard Hoem
  • Tre norske er nominert til Nordisk Råds barn- og ungdomslitteraturpris

    Grøssaren «Udyr» av Ingvild Bjerkeland og høgtlesingsboka «Oskar og eg» av Maria Parr og illustratør Åshild Irgens nominert frå Noreg.

    I tillegg er Saia Stueng frå Karasjok nominert for ungdomsromanen «Hamburgerprinseassa – Eallá dušše oktii» i kategorien for det samiske språkområdet.

    Totalt 14 nordiske biletebøker, barnebøker og ungdomsromanar nominerte til Nordisk råds barne- og ungdomslitteraturpris 2024.

    Fleire av dei nominerte tek for seg eksistensielle spørsmål om livet og døden. Eit anna tema som går att er menneska sin relasjon til naturen.

    Vinnaren vert offentleggjort 22. oktober.

    Montasje forfatterportrett Maria Parr og coveret til barneboka Oskar og eg
    Foto: Samlaget/Jula Marie Nagelstad
  • Tungtvann feirer 25-årsjubileum i Operaen

    I år er det 25 år siden Tungtvann slapp sin første EP «Reinspikka Hip Hop».

    Det feirer de med å opptre på Operaen i Oslo.

    15. september blir det nemlig nordnorsk rap på menyen i hovedstadens storstue. Kringkastingsorkestret (KORK) blir også med på feiringen.

    I tillegg er hiphop-profiler som Petter, Jaa9 & OnklP, Lars Vaular, Oscar Blesson, Tyr, Grim Pil og Rambow invitert til jubileet.

    – Med den line-upen vi har så lurer jeg på om operaen er stor nok til å huse oss, sier Jørgen Nordeng i en pressemelding.

    – Sånn rent publikumsmessig, understreker han.

    Nordnorske Tungtvann er regnet for å være de første til å lykkes med rap på norsk.

    – Da vi begynte var det for å bevise at det gikk an. Vi følte at det meste vi hadde hørt av norsk rap ikke hørtes ut som hiphop, sier Nordeng.

    Arrangementet er i regi av Bodø2024.

    – Grunnen til at vi ønsker å gjøre det i Oslo, som den eneste produksjonen vi gjennomfører der, er at dette fenomenet funker på norsk takket være nordlendinger. Da gir det mening å ta det til hovedstaden, forteller programsjef Henrik Sand Dagfinrud

    Tungtvann opptrer på operaen 15. september
    Foto: Tarjei Krogh