Hopp til innhold

Elton John legg ut på avskjedsturne

Etter nesten 50 år på turne, skal Elton John trekke seg tilbake. I september startar den tre år lange avskjedsturneen i USA.

ACE-MUSIC-ELTON-JOHN

Elton John annonserte avskjedsturneen i ei direktesending på nett tysdag kveld. «Farewell Yellow Brick Road Tour» blir ein verdsomspennande turne som skal besøke alle kontinenta, sa han. Ifølge Elton John sjølv har han vore på vegen kvart år sidan 1970, bortsett frå eitt år han var på avrusing.

Foto: TIMOTHY A. CLARY / AFP

Elton John, eller Reginald Kenneth Dwight som han eigentleg heiter, fylte 70 år i mars i fjor. Platedebuten kom i 1969, og gjennombrotet kom året etter då singelen «Your Song» gjekk til topps på hitlistene. No seier han at nok er nok, og i september legg han ut på ein aller siste turne, «Farewell Yellow Brick Road Tour».

Laster Twitter-innhold

Det var den britiske avisa Daily Mirror som først fortalde om planane. Og tysdag kveld blei nyheita også stadfesta av heimesida til Elton John. Rett etter annonseringa braut heimesida hans saman.

Vil ha meir tid med familien

Direkte frå New York spelte Elton John nokre av songane sine på eit flygel for eit utvald publikum. Deretter blei han intervjua av den amerikanske journalisten Anderson Cooper om den siste turneen.

Grunnen til at han no skal slutte å turnere, er at han ønsker seg meir tid saman med ektemannen David Furnish og dei to sønene dei har saman.

– Eg og David tok avgjerda om at eg skulle slutte å turnere i Frankrike i 2015. Grunnen er at eg ønsker å bruke meir tid på familien. For ti år sidan trudde eg at eg skulle vere på vegen for evig. Men eg har andre prioriteringar no, sa Elton John.

US-ENTERTAINMENT-MUSIC-ELTON JOHN-AIDS

Elton John gifta seg med David Furnish i 2014. Dei har to gutar saman. Dei er grunnen til at Elton John no legg ut på ein aller siste turne.

Foto: ANGELA WEISS / AFP

Familien skal vere med på delar av turneen som startar i USA i september. Deretter skal Elton John besøke så mange land som mogleg før han takkar for seg. Det vil seie at turneen truleg kjem til å ta om lag tre år.

Elton John lovar eit stort og spektakulært show når han no skal ta farvel og takke fansen.

– Eg ønsker å takke alle dei som har følgd meg gjennom åra, både unge og gamle. Og eg ønsker å gå ut med eit smell. Og så håper eg det er mange som vil kome for å ta farvel med ein ven.

Elton John sang en omskrevet versjon av "Candle in the Wind" i prinsesse Dianas begravelse.

Under gravferda til prinsesse Diana i 1997 spelte Elton John ein nyskriven tekst basert på «Candle in the Wind» som han skreiv om Marilyn Monroe i 1973. Den nye versjonen heitte «Goodbye England's Rose»

Foto: PAUL HACKETT / AP

Skal halde fram å skrive

Men sjølv om han om nokre år legg turneskoa på hylla, kjem ikkje Elton John til å slutte å skrive. Han lovar allereie no nytt materiale i åra som kjem

ELTON JOHN 1979

Elton John platedebuterte i 1969. Gjennombrotet kom med singelen «Your Song» året etter. Biletet er frå den første konserten han heldt i tidlegare Sovjetunionen i 1979.

Foto: BORIS YURCHENKO / Ap

– Eg kjem til å halde fram å skrive nye songar. Det er planar om både fleire plater og musikalar dei neste åra. Men dette er materiale eg ikkje kjem til å spele live.

Og til alle dei som trur at avskjedsturneen om nokre år blir avløyst av ein comebackturne, avviser Elton John det blankt.

– Eg er ikkje Cher. Sjølv om eg likar godt å gå i sceneantrekka hennar.

Du kan sjå heile pressekonferansen i New York her:

Kulturstrøm

  • Nynorsk litteraturpris til Edvard Hoem

    Edvard Hoem er tildelt Nynorsk litteraturpris 2023 for boka Husjomfru.

    Prisen er på 50 000 kroner og blir tildelt på landsmøtet til Noregs Mållag i helga.

    Litteraturprisen er blitt delt ut sidan 1982, og saman med mållaget er det Det Norske Samlaget og Det Norske Teatret som står bak prisen.

    Husjomfru av Edvard Hoem
  • Tre norske er nominert til Nordisk Råds barn- og ungdomslitteraturpris

    Grøssaren «Udyr» av Ingvild Bjerkeland og høgtlesingsboka «Oskar og eg» av Maria Parr og illustratør Åshild Irgens nominert frå Noreg.

    I tillegg er Saia Stueng frå Karasjok nominert for ungdomsromanen «Hamburgerprinseassa – Eallá dušše oktii» i kategorien for det samiske språkområdet.

    Totalt 14 nordiske biletebøker, barnebøker og ungdomsromanar nominerte til Nordisk råds barne- og ungdomslitteraturpris 2024.

    Fleire av dei nominerte tek for seg eksistensielle spørsmål om livet og døden. Eit anna tema som går att er menneska sin relasjon til naturen.

    Vinnaren vert offentleggjort 22. oktober.

    Montasje forfatterportrett Maria Parr og coveret til barneboka Oskar og eg
    Foto: Samlaget/Jula Marie Nagelstad
  • Tungtvann feirer 25-årsjubileum i Operaen

    I år er det 25 år siden Tungtvann slapp sin første EP «Reinspikka Hip Hop».

    Det feirer de med å opptre på Operaen i Oslo.

    15. september blir det nemlig nordnorsk rap på menyen i hovedstadens storstue. Kringkastingsorkestret (KORK) blir også med på feiringen.

    I tillegg er hiphop-profiler som Petter, Jaa9 & OnklP, Lars Vaular, Oscar Blesson, Tyr, Grim Pil og Rambow invitert til jubileet.

    – Med den line-upen vi har så lurer jeg på om operaen er stor nok til å huse oss, sier Jørgen Nordeng i en pressemelding.

    – Sånn rent publikumsmessig, understreker han.

    Nordnorske Tungtvann er regnet for å være de første til å lykkes med rap på norsk.

    – Da vi begynte var det for å bevise at det gikk an. Vi følte at det meste vi hadde hørt av norsk rap ikke hørtes ut som hiphop, sier Nordeng.

    Arrangementet er i regi av Bodø2024.

    – Grunnen til at vi ønsker å gjøre det i Oslo, som den eneste produksjonen vi gjennomfører der, er at dette fenomenet funker på norsk takket være nordlendinger. Da gir det mening å ta det til hovedstaden, forteller programsjef Henrik Sand Dagfinrud

    Tungtvann opptrer på operaen 15. september
    Foto: Tarjei Krogh