7. september 1996 vart rapparen Tupac «2pac» Shakur skoten fire gonger i eit lyskryss i Las Vegas. Seks dagar seinare døyde han.
Saka kjem opp 27 år etter drapet.
Duane «Keefe D» Davis er no 60 år, og politiet meiner Davis har planlagt og tilrettelagt drapet, og skal ifølgje påtalemyndigheita gitt ordre om å få Tupac drepe.
Alle dei andre som er mistenkte i saka er døde.
Torsdag møtte han i retten iført handjern. Han meiner sjølv han er uskuldig.
– Snakka seg til fengsel
I september vart det kjent at Davis vart pågripen og sikta for drapet på Tupac.
Årsaka til kvifor Davis vart arrestert går tilbake til 2009.
Den gongen sat han i avhøyr i samband med drapet på ein annan kjent rappar, Biggie Smalls.
Politiet hadde bygd opp ei narkotikasak mot han, som dei brukte til å presse Davis for informasjon om drapet på Biggie Smalls.
I bytte mot informasjon, lova dei han immunitet.
Då fortalde han politiet om korleis han, og nokre andre, hadde teke livet av Tupac.
Då Duane Davis kom til retten 19. oktober dukka ikkje advokaten opp.
Foto: APMen sidan Davis seinare fortalde om si innblanding i dokumentarar, podkastar og sjølvbiografien sin, kunne politiet opna sak mot han.
I sjølvbiografien frå 2019 fortel han at det var han som skaffa våpenet som tok livet av Tupac.
– Han snakka seg sjølv rett og slett i fengsel, sa ein som etterforska saka mot Davis i 2009 til det amerikanske nyheitsbyrået AP.
Legenda Tupac
Tupac vart berre 25 år gammal, men hadde allereie sett sitt preg på hiphop-kulturen innan han døydde. Han blei eit ikon, og er ein av dei meste kjende rapparane i verda.
Ein vegg til minne om Tupac i Los Angeles.
Foto: AFPHan gav ut fem album medan han levde, og vart nominert til den gjeve musikkprisen Grammy seks gongar.
Tupac var også skodespelar, og vart seinast i juni i år heidra med ei stjerne på den kjente Hollywood Walk of Fame. Høyr meir i podkasten Oppdatert frå tidlegare i år:
