Hopp til innhold

Danske protestar mot «Snøfall»

I år skal Danmarks Radio sende «Snøfall» som julekalender. Det har skapt reaksjonar blant sjåarane.

Snøfall

Julekalenderen til NRK i fjor, «Snøfall», var ein stor suksess, og sette ny sjåarrekord.

Foto: Lena Saugen/NRK

Julekalenderen «Snøfall» blei ein stor suksess for NRK i fjor. Og no har danskane kjøpt serien for å sende han i desember. Det har skapt reaksjonar, skriv Danmarks Radio.

Fleire sjåarar har skrive på Facebook-sidene til DR for å klage på avgjerda om å sende ein norsk serie denne adventstida. Enkelte er skaka over at kanalen kunne finne på å sende ein utanlandsk julekalender, andre vil ha lisenspengane tilbake.

– Ny serie neste år

Men kanalsjef i DR1, Pil Gundelach Brandstrup, forsvarar valet av den norske julekalenderen i år.

– Vi lagar ein nyprodusert dansk julekalender annakvart år. Så neste år kjem ein heilt ny serie. Normalt ville vi ha sendt ein dansk julekalender i reprise i år. Difor er det heilt spesielt at vi i år sender ein ny kalender som ikkje har vore vist i Danmark før.

Danmarks Radio har hatt suksess med å vise NRK-serien «Skam», men Brandstrup avviser at det er grunnen til at dei også kjøpte inn «Snøfall».

– Vi viser fleire gode skandinaviske seriar. Men vi gjer det berre når det er ein produksjon som har høg kvalitet og gir meining. Og vi gjer det uavhengig av kva andre seriar som har vore vist.

Julenissen i Snøfall

Programsjef Pil Gundelach Brandstrup i DR1 håper julenissen Julius, spelt av Trond Høvik, skal lage dansk julestemning i år.

Foto: Jon Anton Brekne / NRK

Kritikk mot julekalendrar

Både i Norge og Danmark er det lange tradisjonar for julekalender på TV. I fjor fekk julekalenderen til DR, «Den anden verden», kritikk for ikkje å ha nok julestemning. I år håper Pil Gundelach Brandstrup at historia om foreldrelause Selma skal fenge dei danske sjåarane.

Her heime var «Snøfall» ein stor suksess, med rekordmange sjåarar. Men serien fekk også kritikk blant anna for framstillinga av fostermora til Selma, og for å gi «skurkerollene» til bergensarar.

I år sender NRK «Jul i svingen» som julekalender. Serien blei sendt første gong i 2006, og blei også sendt i reprise i 2009 og 2013.

Kulturstrøm

  • Bruce Willis nekter for å ha solgt ansiktet

    Den amerikanske filmstjernen og actionhelten Bruce Willis nekter for at han har solgt rettighetene til ansiktet sitt til et selskap som lager deepfakes, skriver BBC.

    Deepfake betyr at et bilde eller video forfalskes ved at en persons ansikt plasseres på en annens kropp. Metoden blir brukt ved produksjon av blant annet falske nyheter og i pornobransjen.

    Agenten til Bruce Wiilis avviser at noen slik avtale er inngått.

  • Justisministaren bruker Tiktok uten å spørre om råd

    Justisminister Emilie Enger Mehl har ikkje spurt norske tryggingsstyresmakter om råd før ho tok i bruk den kinesiske appen TikTok i september. Fleire ekspertar advarer om at appen er eit datainnsamlingsverktøy som vidaresender informasjon til Kina.

    Førsteamanuensis i informasjonssikkerheit ved NTNU, Gaute Bjørklund Wangen ved NTNU meiner mehls bruker problematisk.

    – Det er veldig uheldig at ho ikkje tar eit meir aktivt grep og spør om råd. Det er snakk om justisministeren vår, som har ei sentral rolle i den digitale tryggleiken vår, seier Wangen til NRK.

  • Paris presenterer vårmoten

    Under moteuken i Paris er flere kolleksjoner med vårmote presentert. Bildet viser et snasent forslag fra moteskaperen Comme des Garcons.

    Moteuken i Paris, Comme des Garcons vårkolleksjon for 2023
    Foto: GEOFFROY VAN DER HASSELT / AFP