– Det å ha spelt i Razika har vore eit stort og fantastisk fellesskap, men har også stengt nokre dører frå oss som enkeltpersonar. Vi har levd i vår Razika-verd sida tidleg i tenåra og kjenner no på eit behov for å gjere nye ting i livet, skriv dei på Instagram og Facebook.
Samstundes gjer bandmedlemene det klart at dei skal spele konsertane dei har planlagt for 2019, men så er det slutt.
– Det kjennest vemodig. Likevel kjennest det rett, Vi er veldig stolte over alt vi har fått til med Razika. Det viktigaste for oss no er å takke alle dykk som har høyrt på oss, støtta oss og vore på konsertar. Utan dykk hadde det ikkje vore noko Razika, heiter det vidare frå Marie Amdam, Marie Moe, Maria Råkil og Embla Karidotter.
Bandet er blant anna kjent for låtar som «Gutten i dongerijakke», «Vondt i hjertet», «Faen ta deg» og «Syndere i sommersol».
Dei fire bandmedlemene starta
som 15-åringar i 2006.