Fem morosame mobilspel

Det kan bli mykje nyheitsoppdatering, scrolling og sosiale medium på mobilen for tida. Kanskje er det på tide å kople av med eit spel?

Spelforskar på NTNU og gaming-entusiast Kristine Ask foreslår desse fem spela.

Hjelp passasjerane fram

• Tittel: Mini Metro
• Plattform: Android/iOS

«Lag ei metrobane som bind saman stoppestadane etter kvart som dei dukkar opp, og sørg for at passasjerane kjem dit dei skal. Lett å kome i gong med og vanskeleg å legge frå seg.»

Spel utan press og tidsfristar

• Tittel: Merge Dragons!
• Plattform: Android/iOS

«Avslappande «tre-på-rad-spel» der du kombinerer tre av ein type for å oppgradere til stadig større skattar og dragar. Ikkje noko press, ingen tidsfristar – berre roleg matching og utforsking av øya di.»

Prøv deg som interiørarkitekt

• Tittel: Design Home
• Plattform: Android/iOS

«Spelet lar deg innreie lekre leilegheiter, vinne nye møblar og stemme på andre sine bidrag. Når du har lyst å pusse opp, men ikkje skal renne ned interiørbutikkar. Pluss for imponerande stor katalog av møblar.

NB. Rett bruk av ressursar er ein viktig del av spelet. Ikkje la deg freiste til å kjøpe in «game currency». Eller lag husreglar om til dømes eitt kjøp per månad. Ikkje la deg freiste til å bruke snopebudsjettet på digitale diamantar.»

Avslappande eller intrikat

• Tittel: Blendoku
• Plattform: Android/iOS

«Eit litt annleis puzzlegame basert på fargar som skal plasserast rett. Avslappande i enkel modus, intrikat på høgare nivå.»

«Finn skjulte gjenstandar»-spel

Her anbefaler Ask to ulike spel, avhengig av kva mobil du har.

• Tittel: Little Objects Finder Game. Find Me If You Can
• Plattform: Android

• Tittel: Let's Find It – Hidden Object Challenge
• Plattform: iOS

«Leit fram skjulte gjenstandar i eit mylder av småsaker og ting. Enkel spelmekanikk som held interessa overraskande lenge.»

Les også: Guide: Slik begrenser du sporing av din mobil

Anbefalt vidare lesing: