Forskarar ved Deakin University i Australia tok utgangspunkt i ei undersøking der folk vurderte kor lykkelege dei var. Så har dei spurt 1000 tilfeldige personar frå denne undersøkiga om korleis dei brukar musikk. Dei fann ein klar samanheng mellom lykkekjensle og kor ofte ein deltok på konsertar, skriv nettstaden Consequence of Sound.
Funna viser at dei som høyrer på musikk ved å danse saman med andre eller går på konsert, oftare rapporterer om lykkekjensle enn dei som høyrer på musikk aleine. Forskarane skriv at forholdet mellom oppleving av musikk og lykke er tovegs.
– Dei som er over gjennomsnittet lykkelege, oppsøker nok oftare konsertar og situasjonar der dei kan synge og danse saman med andre. Samtidig er dansing og det å delta på musikkarrangement med på å auke kjensla av velvære.
Ulykkelege artistar
Artisten Amy Winehouse døydde av alkoholforgifting i 2011. Ho er ein av mange artistar som berre blei 27 år.
Foto: Brian Kersey / ApMen dei som lagar musikken, ser ikkje ut til å oppleve den same graden av lykke. I ein annan australsk studie frå 2014, fann forskarar ut at rockeartistar i snitt lever 25 år kortare enn ein gjennomsnittsperson.
Forskarane tok for seg nesten 13.000 dødsfall av pop- og rockemusikarar som døydde i perioden 1950 til 2014. Dei fann at den gjennomsnittlege levealderen var ein stad mellom seint i 50-åra og tidleg 60-åra.
I tillegg var sjølvmordsraten blant musikarar opp mot sju gongar større enn i folket elles, og faren for å bli drepen opp mot åtte gongar større.
Introverte platekjøparar
Dei som kjøper vinyl er einsame, middelaldrande og introverte, ifølge britisk kartlegging.
Foto: GUILLAUME SOUVANT / AfpDei australske forskarane har altså funne ut at du kjenner mindre lykke når du høyrer musikk aleine, enn om du høyrer saman med andre. Samtidig har YouGov kartlagt dei britiske kjøparane av vinylplater.
- Les også:
- Les også:
Det viser seg at den typiske platekjøparen er einsam, middelaldrande og introvert. Dei er også over gjennomsnittet interessert i musikk. 66 prosent av platekjøparane seier at dei ikkje kjem seg gjennom dagen utan å høyre på musikk.
Lykkeforskinga frå Australia tyder kanskje på at det kunne blitt enda lettare å kome seg gjennom dagen om dei oftare også høyrde på musikk saman med andre.
