– Det kjennest nesten uverkeleg 

På laurdag skal Stjernekamp-artistane opptre med KORK i storband og musikal. – Det blir nok veldig spesielt å stå der, seier Bjørn Tomren.

Alexandra Rotan, Bjørn Tomren og Carina Dahl i forbindelse med Stjernekamp 2021

STJERNEKORK: Alexandra Rotan, Bjørn Tomren og Carina Dahl etter øvinga med KORK.

Foto: Oda Elise Svelstad / NRK

På laurdag skal Bjørn Tomren, Carina Dahl og Alexandra Rotan kjempe om finaleplassen i Stjernekamp.

Men for å kome dit må dei fyrst gjennom sjangrane storband og musikal – med sjølvaste Kringkastingsorkestret i ryggen.

Når NRK møter semifinalistane før prøvane på Korks heimebane, nemleg Store Studio på Marienlyst, er nervane til å ta føle på.

– Det kjennest nesten uverkeleg å ha eit så stort orkester bak seg. Det har eg aldri opplevd før så det blir gøy, seier Alexandra Rotan.

Alexandra Rotan og Carina Dahl les gjennom songteksten før Stjernekamp-prøvane med KORK

PUGGING: Alexandra Rotan og Carina Dahl les gjennom songteksten før prøvane med KORK.

Alexandra Rotan øver med KORK i forbindelse med Stjernekamp

STEMNING: – Det var utruleg artig å spele med KORK, seier Alexandra Rotan.

Carina Dahl syng med KORK i forbindelse med Stjernekamp-prøver

MÅL: – Det har vore eit mål veldig lenge å spele med KORK, så det er veldig stort at det endeleg skjer, seier Alexandra Rotan.

Ærefrykt

Det stiller Carina Dahl seg også bak

– Eg synest det er kjempestas og rått å få synge med KORK. Eg må berre passe på å ikkje skremme meg sjølv opp. For eg kjenner på skikkeleg ærefrykt, seier ho.

Bjørn Tomren har derimot ei meir avslappa tilnærming til det heile, i alle fall foreløpig.

– Det blir nok veldig spesielt å stå der, men eg kan ikkje førestille meg korleis det blir akkurat no.

– Storbandmusikken «himself»

Alle tre skal synge låtar som Frank Sinatra hadde på repertoaret, men Alexandra understrekar at nettopp det var heilt tilfeldig. Ho skal synge «New York, New York»

– Originalsongen er ein låt eg likar svært godt, men eg har aldri hatt moglegheit til å synge den før nå.

Bjørn Tomren øvar med KORK i forbindelse med Stjernekamp
Foto: Oda Elise Svelstad / NRK

– Eg ville ikkje halde noko attende, han er jo ein legende vi må hylle, legg ho til.

Mens Bjørn Tomren beskriv han på denne måten:

– Han er jo storbandmusikken «himself»

Fjorårets vinnar tilbake

I tillegg til Storband skal artistane prøve seg i musikal-sjangeren.

– Eg elskar det. Eg er veldig interessert i musikalar, og her får ein sjansen til å hente fram skodespel-element og med det blir det noko ekstra.

Henriette Steenstrup

MENTOR: Henriette Steenstrup er mentor i sjangeren musikal.

Foto: Mari Aftret Mørtvedt / NRK

Her har dei Henriette Steenstrup som mentor.

– Eg får lyst til å vere bestevenninna hennar, eg synest ho er veldig kul. Ho har ei utstråling som er så herleg, seier Carina.

Henriette Steenstrup og mentor for storband, Odd Rene Andersen er kveldens gjestedommarar.

Knut Marius Djupvik

FJORÅRETS ENTERTAINER: Knut Marius Djupvik gjekk til topps i fjorårets Stjernekamp.

Foto: Julia Marie Naglestad / NRK

Og ein storslegen songkveld toppar seg med gjesteopptreden av fjorårets vinnar Knut Marius Djupvik.

Kven går vidare til finalen? Følg med på NRK 1 laurdag kl. 19.50 eller i NRK TV.

Kulturstrøm

  • Slik blir Melodi Grand Prix 2022

    Det blir flere endringer i neste års Melodi Grand Prix. Men nivået er høyere enn noen gang, ifølge MGP-general Stig Karlsen. 10. januar skal alle artistene offentliggjøres og alle låtene slippes til publikum. Showet går av stabelen med første delfinale 15. januar.

  • Stephen Sondheim er død (91)

    Låtskriver, tekstforfatter og komponist Stephen Sondheim er død, melder advokaten hans til The New York Times. Sondheim ble 91 år gammel. Han er kjent for musikaler som «West Side Story «og «Sweeney Todd».

  • Astrid S med plagiatanklage

    Manageren til Astris S, Gilbert Lunde, skriver på Twitter at de er i kontakt med teamet til French Montana, etter at de anklaget ham for plagiat. Manageren skriver: «Jeg kan bekrefte at dette ikke har blitt klarert i forkant, men at vi nå er i kontakt med teamet til French Montana for å finne ut hva som har skjedd, og for å få riktige avtaler på plass».