Slik er NRK organisert

Se: NRKs organisasjonskart (pr november 2018)

Slik er NRK styrt

NRK sitt styre avgjer kven som skal vere kringkastingssjef. Kringkastingssjefen er øvste sjef i NRK og styret som tilset han er igjen oppnemnt av generalforsamlinga/eigaren, den norske stat ved Kulturdepartementet. Thor Gjermund Eriksen er noverande kringkastingssjef.

Les også: Kringkastingssjefen får nytt åremål t o m 2025

Ni divisjonar

NRK er inndelt i ni divisjonar. Etter ei omorganisering hausten 2018 er tilhøvet mellom divisjonane slik:

• Distriktsdivisjonen - produserer innhold.
• Marienlystdivisjonen - produserer innhold.
• Nyhetsdivisjonen - produserer innhold.
• NRK Sápmi - produserer innhold.
• Strategi- og medierdivisjonen - bestiller og sett rammene.
• Teknologidivisjonen - skal tene dei andre divisjonane (under etablering).
• Økonomi og finans - skal tene dei andre divisjonane - (under etablering).
• Organisasjon - skal tene dei andre divisjonane - (under etablering).
• Juridisk og stab - tener dei andre divisjonane.

Kringkastarmodellen

Innad er NRKs divisjonar organisert i eit kunde- og leverandørforhold. ​Strategi og medierdivisjonen sit på eit stort budsjett og bestiller frå dei programskapande divisjonane og frå eksterne produsentar i inn- og utland.

Denne måten å organisere verksemda på kallas kringkastermodellen.

Strategi- og medierdivisjonen

Det er Strategi og medierdivisjonen som bestiller og sett budsjettrammene for kvar produksjon.

Oppdraga, forankra i NRK sitt samfunnsoppdrag, går så til dei programskapande divisjonane og til eksterne produsentar.

Nokre bestillingar skjer for lang tid. Noen på årsbasis, medan andre program eller produksjonar bestilles enkeltvis.

Strategi og medierdivisjonen har samstundes ansvaret for strategiarbeidet i NRK.

Øyvind Lund (f 1963) er direktør. Han har lang røynsle som sjef i NRK.

Avdelingar:

• TV: TV-kringkastar har ansvar for programsetting av TV-kanalane. Arne Helsingen er TV-sjef.
• Radio: Radiokringkastar har ansvar for programsetting av radiokanalane. Hovudkanalane - P1, P2 og P3 - har eigne kanalsjefar. Jon Branæs fungerer som radiosjef.
• Nett: Nettet er ei stadig viktigare plattform for NRK. Eit breitt nettilbod er definert som ein del av NRK sitt allmennkringkastaroppdrag. Hildegunn Soldal er nettsjef.
• NRK Analyse: Forskningsavdelinga i NRK, finn du og her. Dei finn ut kor mange som høyrer og ser og kva brukarane synast om NRK sitt tilbod. Det er viktig bakgrunnsinformasjon når ​Mediedivisjonen skal bestille program og produksjonar.

Dei programskapande divisjonane:

Nyhetsdivisjonen

Nyhende er skilt ut som ein eigen divisjon i NRK. TV-, radio- og nyhende for nett er ei stor og viktig oppgåve for NRK.

Dagsrevyen er Noregs fremste program for TV-nyhende, Dagsnytt det same for radio-nyhende og nettstaden nrk.no er Noregs neste største.

Helje Solberg (f 1967) er nyhetsdirektør i NRK. Ho har lang presseerfaring, og kjem til NRK etter mange år i VG. Sist som administrerande direktør og redaktør i VGTV.

Marienlystdivisjonen

Marienlystdivisjonen samlar alle som held på med innholdsproduksjon på Marienlyst utanom Nyhetsdivisjonen.

Kultur, barn, ung, sport, drama og underhaldning - Marienlystdivisjonen famnar bredt.

Divisjonen har rundt 860 tilsette.

Vibeke Fürst Haugen (født 1968) er direktør i Marienlystdivisjon. Ho har jobba i NRK sidan 1994, og har blant annet tidligare vore redaktør for NRK Super.

Distriktsdivisjonen

Distriktsdivisjonen er den tredje store programskapande divisjonen. Den samlar storparten av produksjonen utanom Marienlyst. Distriktsdivisjonen har sitt hovudsete på Tyholt i Trondheim.

Divisjonen er organisert i fem regionar og 15 distriktskontor:

• Region Nord (Finnmark, Troms og Nordland): Regionredaktør Tone Kunst.
• Region Midt (Hedmark og Oppland, Trøndelag, Møre og Romsdal): Regionredaktør Sigrid Gjellan.
• Region Vest (Sogn og Fjordane, Hordaland, Rogaland): Regionredaktør Kai Aage Pedersen.
• Region Sør (Sørlandet, Telemark og Vestfold): Regionredaktør Heidi Pleym.
• Region Øst (Buskerud, Oslo og Akershus og Østfold): Regionredaktør Jannicke Engan.

Distriktskontora i NRK:

• ​NRK Buskerud
• NRK Finnmark
• NRK Hedmark og Oppland
• NRK Hordaland
• NRK Møre og Romsdal
• NRK Nordland
• NRK Rogaland
• NRK Sogn og Fjordane
• NRK Sørlandet
• NRK Telemark
• NRK Troms
• NRK Trøndelag
• NRK Vestfold
• NRK Østfold
• NRK Østlandssendingen

Sjå og: Distriktsprogramråda og samisk programråd - dei lokale kringkastingsråd

Til saman har Distriktsdivisjonen omlag 1000 medarbeidarar.

Kvar einaste dag produserer distriktskontora innhald for radio, tv og nett - for lokale sendingar og nettilbud - og for heile landet. Frå heile landet til heile landet, er distriktsdivisjonen sitt oppdrag og mål.

Distriktskontora speglar Noreg både til kvardags, fest og når det skjer triste hendingar.

Grethe Gynnild-Johnsen (f 1959) er distriktsdirektør. Ho har arbeidd i NRK sidan 1993 og hatt ei rekke leiarstillingar opp gjennom åra. Ho har blant anna vore sportsredaktør og nyheitsjef.

Samisk divisjon

NRK Sápmi har ansvar for å lage eit breidt samisk tilbod både for radio, tv og nett, har om lag 90 medarbeidarar og hovudkontor i Karasjok.

NRK Sápmi er samstundes den største samiske medieinstitusjonen i Norden. NRK samarbeider tett med allmennkringkastarane både i Finland og Sverige om eit samisk programtilbod.

Ved sidan av hovudkontoret i Karasjok har NRK Sápmi lokalkontor Tana, Kautokeino, Kåfjord, Tromsø, Harstad, Snåsa, Tysfjord og Oslo.

Det meste av det samiske programtilbodet blir presentert på nordsamisk, men NRK Sápmi har og tilbod på lule- og sørsamisk forutan på norsk.

Mona Solbakk (f 1971) er fyrste kvinne som direktør for NRK Sápmi.

Ho kom tilbake til NRK som Sápmi-sjef etter å ha vore dagleg leiar ved Senter for nordlige folk. Tidligere har ho jobba 15 år i NRK Sápmi og blant anna vore både redaksjons- og programsjef.

Tener dei andre:

Organisasjonsdivisjonen

Ansvar for organisasjon, personal og utviklinga av NRK - leiarutvikling, arbeidsmiljø og kunnskap er oppgåver i Organisasjonsdivisjonen.

Annika Biørnstad (f 1957) er konstituert direktør. Ho har tidligare vore direktør både i Kringkastingsdivisjonen og Strategidivisjonen i NRK.

Teknologidivisjonen

Ein ny Teknologidivisjon er nett etablert i NRK.

Divisjonen har hand om ei rad viktige støttefunksjonar for NRK.

Heidrun Reisæter (f 1976) er direktør. Ho var tidligare sjef for Medieutvikling i NRK, og kom til NRK frå VG.

Økonomidivisjonen

Økonomidivisjonen har hand om viktige støttefunksjonar i NRK.

Andreas Norvik (f 1969) er direktør for Økonomidivisjonen.

Han kom til NRK i 2017 frå same type stilling ved Den Norske Opera og Ballett. Han er siviløkonom (1995) frå Handelshøyskolen BI.

Juridisk og stab

Olav Nyhus leiar Juridisk og stab-divisjonen. Her finn vi dei som blant anna har ansvar for juridiske oppgåver, internasjonal kontakt og etikkarbeid.

Olav Nyhus (f 1961) er direktør. Juristen har jus og presseetikk som sin kjepphest. Var tidligare juridisk direktør i NRK.

NRK si kommersielle verksemd

NRK har samla den kommersielle verksemd si i datterselskapet NRK Aktivum.

NRK eig og delar av NTV, RiksTV og Norsk Mobil-TV.

Les meir: Forretningsverksemda til NRK

NRK Noreg rundt

NRK hadde ei bemanning på 3419 faste årsverk ved utgangen av 2017. Gjennomsnittsalderen var 45,6 år, 46 prosent var kvinner og 54 prosent menn.

Om lag 2 000 har Marienlyst som tenestestad, rundt 1400 er å finne på rundt 50 store og små NRK-kontor landet rundt.

Hovudkontoret til NRK ligg på Marienlyst i Oslo. NRK Sápmi finn vi i Karasjok, Lisensavdelinga og Publikumsservice i Mo i Rana. I Tromsø, Trondheim og Bergen finn vi store regionkontor, NRK har 15 distriktskontor og resten er mindre lokalkontor rundt om.

Sjå: NRK Noreg rundt