Kontrollkomiteens leiar Martin Kolberg (Ap) meiner det juridiske notatet om sjukehusprosessen i Møre og Romsdal setter saka i eit alvorleg lys.
– Det er ein svært alvorleg situasjon. På bakgrunn av nye opplysningar som har kome fram, er det grunn til å stille eit alvorleg spørsmål ved legitimiteten i prosessen, seier Kolberg til NTB.
- Les også:
- Les også:
Forventar svar
Kolberg tenker spesielt på det som kjem fram om korrespondanse i forkant av avgjerda som blei tatt denne veka.
Spørsmåla i brevet som kontroll- og konstitusjonskomiteen på Stortinget denne veka sende til helse- og omsorgsminister Bent Høie (H), dekker også opp dette nye, meiner Kolberg.
– Eg legger til grunn at Høie også kjem inn på dette i sitt svar, seier han.
Truleg gitt ulovlege signal
Helse Møre og Romsdal kalla laurdag kveld inn til ekstraordinært styremøte klokka 11 søndag, for å vurdere om vedtaket om å leggje det nye sjukehuset til Molde er lovleg.
Diskusjonen oppstår i bakkant av det ekstraordinære styremøtet søndag, der Helse Møre og Romsdal skulle få ei juridisk vurdering av om vedtaket om å byggje sjukehuset i Molde, er lovleg.
Advokatfirmaet Thommessen konkluderer med at det truleg er gitt ulovlege signal – eller forsøkt å gjere det – i sjukehussaka. Advokatane meiner det likevel ikkje betyr noko, og får kraftig kritikk for arbeidet dei har
I eit notat frå advokatfirmaet Thommessen går det fram at det truleg "foreligger brudd på helseforetakslovens paragraf 16, dvs. eiersignaler eller et forsøk på eigarstyring i strid med lovens krav om at slik eigarstyring må skje via føretaksmøtet".
- Les også:
- Les også:
Seier siste ord ikkje er sagt
Advokatfirmaet meiner likevel ikkje det har hatt praktiske konsekvensar for det omstridde vedtaket om å byggje det nye sjukehuset i Møre og Romsdal i Molde. Advokat Vidar Strømme, som har hjelpt nordmørskommunane i saka, er svært kritisk til konklusjonen.
– Eg vil ikkje gje karakter, men eg er usamd, og siste ord er ikkje sagt. Eg er tvilande til det faktiske grunnlaget og tolkinga, og den enkle behandlinga av e-posten, slår Strømme fast, etter styremøtet søndag.
Møtet kom i stand etter at tre styremedlemer i Helse Møre og Romsdal kravde at juristar vurderte om vedtaket om å byggje det nye sjukehuset i Molde, er lovleg.