– Det er overvakingsfiske. Hensikta med det er at me skal kunne ta ut dei fiskane som ikkje er ønska i vassdraget, seier kleppar Vidar Skiri.
– Det er altså feilvandra laks og oppdrettslaks, legg han til.
- LES OGSÅ:
Vil få bukt med lakseparasitt
For 30 år sidan blei elva Rauma invadert av den frykta lakseparasitten gyrodactylus salaris. For å få bukt med parasitten er elva behandla med gifta rotenon, og siste runde var i fjor og året før.
No skal stammen byggast opp att, og laks større enn 90 centimeter må settast uskadd ut i elva igjen.
– Dermed er det dei erfarne fiskarane som er med på dette, seier Skiri.
- LES OGSÅ:
Mogeleg friskmeldt i 2020
Hilde Gråberg Bakke er reiselivssjef i Rauma og meiner det er mykje å hente for reiselivet når laksestammen i Rauma er bygd opp att.
Foto: Øyvind Sandnes / NRKSom ei av dei mest kjende og beste lakseelvane i landet, blei Rauma i over 100 år flittig brukt av både lordar og kongar. No gler Reiselivet seg til at laksefisket i Rauma på nytt kan få ei stordomstid.
– Her er det mykje å hente, både på overnatting, matservering, og ikkje minst på elva og inntekter der, seier Hilde Gråberg Bakke som er reiselivssjef i Rauma.
Går oppbygginga av laksestammen i Rauma bra, er det von i hengande snøre for alle fiskarar, både erfarne og uerfarne.
– Då kan det ligge an til ei friskmelding i år 2020, seier Skiri.
