Film, forteljingar og draumar går igjen i designen til Laura og Kate Mulleavy, søstrene bak det suksessfulle amerikanske motemerket
Rodarte
.
No har designsøstrene sjølv gått til filmen. Dei står bak kostyma til Natalie Portman i «Black Swan».
Fikk Oscar-takk
Kate Mulleavy, Natalie Portman og Laura Mulleavy på den raude løparen til 'Black Swan'.
Foto: Matt Sayles / Ap
– Vi snakka med Natalie og så høyrde vi rykter om eit hemmeleg manus om to duellerande ballerinaer. Haustkolleksjonen vår frå 2008 handla om japanske animasjonsfilmar og ballerinaer, så dette var eit tema som vi var skikkeleg inne i, seier Laura Mulleavy til NRK
Nasjonalgalleriet
.
I filmen spelar Portman ein ballerina med psykiske problem, som må meistre både den kvite og den svarte svana.
Då Portman vann ein Oscar for beste kvinnelege hovudrolle i februar takka ho Rodarte-søstrene i talen sin. For anledninga var ho kledd i ein spesialsydd Rodarte-kjole, tilpassa hennar gravide mage.
– Eg er så stolt over at vi kunne hjelpe henne med å leve seg inn i karakteren, fortel Mulleavy.
Plagg som tar hundrevis av timar
Rodarte er kjent for sin saumkunst og gjennomarbeida antrekk. Her frå ei visning i 2010.
Foto: Bebeto Matthews / AP
– Vi vart spurt om å fortelje ei historie gjennom kostyma. Alt vi gjorde måtte kunne grunngjevast i forhold til karakteren, seier Mulleavy.
Dèt er ikkje noko nytt for Rodarte-søstrene, som ikkje har motedesign-utdanning, men har studert kunst og litteratur ved Berkeley-universitetet i USA.
Dei er kjent for å fortelje historier gjennom kolleksjonane sine. Plagga er nøye uttenkt, og kan ta hundrevis av timar å lage.
Haust- og vinterkolleksjonen som dei presenterte under moteveka i New York i februar fortalde historia til dagslyset gjennom ein dag.
– Vi ville få folk til å føle det som om dei var i den verda, seier Mulleavy.
Sjå visninga av haust- og vinterkolleksjonen i New York:
SJÅ VIDEO: Rodarte haust- og vinterkolleksjon 2011/12, vist under moteveka i New York i februar.
– Millionar av val
Fascinasjonen for klesdesign og kostyme fekk søstrene frå å sjå masse film då dei var yngre.
– Vi er historieforteljarar, vi finn på ei forteljing og brukar den når vi tek val i designprosessen. I mote finst det millionar av val og millionar av forteljingar. Dersom vi ikkje minska valmoglegheitene hadde vi ikkje klart å gjere dette, forklarar designaren.
Ho meiner forteljingane kan få folk til å hugse Rodarte-plagga.
Skodespelaren Elijah Wood er fan av Rodarte. Her på første rad under vårvisninga i 2010.
Foto: David Goldman / Ap
– På motevekene spring folk frå moteshow til moteshow. Om dei ikkje klarer å putte plagga inn i ein kontekst og ei historie, korleis skal dei då hugse kva dei har sett, spør Mulleavy.
Michelle Obama er fan
Strategien med å få folk til å hugse plagga deira har tydelegvis slått an. Sidan oppstarten i 2005 har Rodarte gått frå å dele rom heime hjå foreldra i småbyen Pasadena til å halde visningar for Hollywood-kjendisar.
Dei blir sett på som nokon av dei dyktigaste og mest nyskapande unge designarane akkurat no.
På første rad på motevisningane deira finn ein Kirsten Dunst, Elijah Wood, Cate Blanchett, Keira Knightley, Michelle Obama og Tilda Swinton, mellom anna.
Popstjerna har inngått eit forlik med faren sin Jamie Spears, meir enn to år etter at ei rettsavgjerd avslutta verjeordninga som har gitt han kontroll over livet hennar. Det melder CNN.
Sidan verjeordninga vart avslutta, har Britney Spears og faren vore i retten fleire gonger i samanheng med advokathonorar og skuldingar om upassande oppførsel under verjeordninga. Far hennar har heile tida motsett seg skuldingane.
Vilkåra for forliket er ikkje offentleggjort, men advokatane til Spears stadfestar forliket til CNN.
Ho er den første norske kvinnelege artisten som har fått éin milliard strøymingar på ein song på strøymetenesta Spotify.
Det er låten «we fell in love in october» som har bikka éin milliard, ifølgje VG. Låten blei gjeve ut i 2018.
Marie Ulven Ringheim, som ho eigentleg heiter, seier til avisa at ho synest det er veldig gøy at ei låt som ho har skrive, produsert, miksa og mastra har resonnert så mykje.
