Raudt krev lokal makspris på straum i Bergen
Partiet Raudt i Bergen meiner bergensarane bør få makspris på straum. Dei viser til at Lærdal har vedteke ein fastprisavtale på 32 øre per kilowattime.
Forslaget til Raudt skal opp i bystyret i løpet av året, og partiet håper det blir ei tidleg julegåve til bergensarane. Dette gjer dei i protest mot at regjeringa vil innføre EUs fjerde energimarknadspakke, som Raudt meiner vil hindre lokal sjølvråderett og gjere det vanskeleg å få ned nettleiga.
Forslaget får støtte sentralt i partiet.
– Det er på tide å ta tilbake kontrollen over krafta og straumprisane, seier Sofie Marhaug, andre nestleiar i energikomiteen på Stortinget.