Hopp til innhold

Vegard (19) lávke Disney-filmmas «Stjernekamp»-lávdái

Kárášjohkalaš Vegard Bjørsmo lea okta dain artisttain gean máŋga čuohte duhát TV-geahčči besset oaidnit gilvaleamen čakčat.

Stjernekamp Vegard Bjørsmo

STJERNEKAMP OASSÁLASTI: Vegard Bjørsmo lea okta dain guhte gilvala NRK TV prográmmas «Stjernekamp» čakčat.

Foto: Tore Meek / NTB scanpix

– Dása gal duođaid illudan. Erenoamáš bures liikon musihkkateáhter suorgái, lohká Bjørsmo.

Vegard Bjørsmo boahtá Kárášjogas. Dál son lea oahppin Norgga musihkkaallaskuvllas Oslos.

Diibmá šattai son beakkán miehtá Davviriikkaid, go Disney válljii su neavttašit Kristoffa «Jikŋon 2» filmmas.

Stjernekamp lea NRK guoimmuhan-prográmma. Logi Norgga artistta gilvalit das iešguđetge musihkkasuorggis.

Geahča «Stjernekamp» artisttaid almmuheami dás:

Presse
Lansering
Artister
Konkurranse

Presse Lansering Artister Konkurranse

Čeahpes lávlut davvin

2018 «Stjernekamp» gilvvu vuittii deatnulaš Ella Marie Hætta Isaksen.

Diibmá vuittii ges Sállána gánda Bilal Saab.

Nugo dát ovddeš vuoiti guovttosge, de lea Bjørsmo vázzán musihkkasuorggi Álttá joatkkaskuvllas.

– Mon lean ieš guđet ge surggiid lávlon. Dien dáfus sáhttá mus leat ovdamunni, lohká son.

Vegard Bjørsmo og Frost Kristoff

«JIKŊON 2» FILMMAS: 15-jahkásažžan Vegard fárrii eret ruovttus go álggii Áltái joatkkaskuvlii. Diibmá son beaggigođii miehtá Sámi go lei neavttár Disney «Jikŋon 2» filmmas.

Foto: Disney/NRK/Fotomontasje av NRK

Stuorra mojiin son ge iđii «Stjernekamp» lávdái, go artisttaid almmuhedje.

Muhto lea dihto musihkkasuorgi mas 19-jahkásaš suoli ballá.

– Opera lea dat mii dáidá leat stuorámus hástalus munnje, lohká Bjørsmo.

Artistene i Stjernekamp 2020

STJERNEKAMP-OASSÁLASTIT: Dá leat dán jagi gilvaleaddjit.

Foto: Julia Marie Naglestad / NRK

Stuorra vuordámušat

– Finnmárku gal duođaid ii beahte «Stjernekamp», lohká TV-prugrámma jođiheaddji Kåre Magnus Bergh.

Golbmii leat Finnmárkku lávlut leamaš finálas.

Unjárgga nieida Agnete Johnsen ge lei «Stjernekamp» loahppagilvvus 2013:s.

Gilvvu duopmár Mona B. Riise maid rámidii Bjørsmo.

Programleder Mona B. Riise

RÁMPUI: Mona Riise lea gealdagasas.

Foto: Julia Marie Naglestad / NRK

– Vegard lea mu mielas gelddolaš artista, lohká Riise.

Eai galgga juoigat

Hiphop ja opera leat leamaš oassin gilvvus álggu rájes.

Eará musihkkasuorggit molsašuvvet jagis nubbái.

Jagi 2017 rájes lea luohti ge leamaš okta dáid surggiin. Dán jagi eai galgga artistta juoigat.

Sandra Lyng

GILVALEADDJI: Mussere (Mosjøen) nieida Sandra Lyng (33) lea maid searvan «Stjernekamp» gilvui dán jagi.

Foto: Picasa

«Stjernekamp» artisttat 2020

Vegard Bjørsmo lassin gilvalit dát ovccis:

  • Sandra Lyng (33), Mussere / Mosjøen
  • Emil Solli-Tangen (30), Porsgrunn
  • Hege Øversveen (34), Biri
  • Knut Marius Djupvik (32), Tomrefjord
  • Myra (25), Bergen
  • Anita Hegerland (59), Sandefjord/Nærsnes
  • Odd Einar (48), Årdal
  • Ingeborg Walther (20), Skjeberg/Sarpsborg
  • Alex Rosén (52), Oslo/Jar
Ella Marie og Bilal

VUOITTUT FINNMÁRKUI: Ella Marie Hætta Isaksen vuittii «Stjernekamp» 2018. Sállána gánda Bilal Saab vuittii ges seamma musihkkagilvvu 2019.

Foto: Knut-Øyvind Hagen / NRK
  • Geahča maid:
    Sannhet eller løgn med de samiske stemmene fra Frost 2: Vegard Bjørsmo og Elin Kristina Oskal.

    Sannhet eller løgn med de samiske stemmene fra Frost 2: Vegard Bjørsmo og Elin Kristina Oskal.

Korte nyheter

  • En person til sykehus etter trafikkulykke

    En person blir flydd til sykehus med helikopter etter trafikkulykken på E6 ved Indre Kjerringdal i Langfjorden i Alta, ifølge politiet i Finnmark på Twitter. Trafikken på veien dirigeres i påvente av bilberging.

  • Njulgen boastut čállojuvvon šilttaid

    Dál lea Stáhta geaidnodoaimmat divvon dáid boastut čállojuvvon šilttaid Evenáššis, Nordlánddas. Šilttat leat čužžon masa vihta jagi. Várdobáikki sámi guovddáža báikenammalávdegoddi lea máŋgii cuiggodan dán ja dáhttun divvut dáid. Lávdegotte-jođiheaddji Gudmund Johnsen lea duhtavaš.

    – Dat orru hui vuogas, viimmat leat guldalan min. Dát lea leamaš lossa proseassa, go bohtet boastut čállojuvvon namat, seammás go báikenammalávdegoddi geahččala oažžut dáid riekta čállojuvvon, dadjá Johnsen.

    Lidaláddi / Liland
    Foto: Mathis Eira / NRK
  • Badjel 14 miljon ruvnnu oahpponeavvuide

    Sámediggi juolluda 14.366.000 ruvnnu ođđa oahpponeavvuide, čállá Sámediggi preassadieđáhusas.

    Dál buvttadišgohtet oahpponeavvuid lullisámegiel fágas 1. - 4. ceahkkái, julevsámegiel nubbingiellan vuođđooahpahussii ja davvisámegiella nubbingiellan joatkkaskuvladásis, čállá Sámediggi.

    – Lea dehálaš buvttadit oahpponeavvuid buot golmma sámegillii, dárbu ođasmahtton ja áigeguovdilis oahpponeavvuide lea stuoris. Lean duhtavaš go vuoruhuvvojit oahpponeavvut sihke vuosttaš- ja nuppegielagiidda, dadjá sámediggeráđđi Mikkel Eskil Mikkelsen.

    Sametingsråd Mikkel Eskil Mikkelsen (NSR).
    Foto: Vaino Rensberg / Sametinget