Vegard (19) lávke Disney-filmmas «Stjernekamp»-lávdái

• Les på norsk: Dette er «Stjernekamp»-deltagerne for 2020
• Les også: Den yngste «Stjernekamp»-deltakeren i år – like mye same som andre

– Dása gal duođaid illudan. Erenoamáš bures liikon musihkkateáhter suorgái, lohká Bjørsmo.

Vegard Bjørsmo boahtá Kárášjogas. Dál son lea oahppin Norgga musihkkaallaskuvllas Oslos.

Diibmá šattai son beakkán miehtá Davviriikkaid, go Disney válljii su neavttašit Kristoffa «Jikŋon 2» filmmas.

Stjernekamp lea NRK guoimmuhan-prográmma. Logi Norgga artistta gilvalit das iešguđetge musihkkasuorggis.

Geahča «Stjernekamp» artisttaid almmuheami dás:

Čeahpes lávlut davvin

2018 «Stjernekamp» gilvvu vuittii deatnulaš Ella Marie Hætta Isaksen.

Diibmá vuittii ges Sállána gánda Bilal Saab.

Nugo dát ovddeš vuoiti guovttosge, de lea Bjørsmo vázzán musihkkasuorggi Álttá joatkkaskuvllas.

– Mon lean ieš guđet ge surggiid lávlon. Dien dáfus sáhttá mus leat ovdamunni, lohká son.

• Loga maid dárogillii: Ella Marie joiket seg til semifinalen

Stuorra mojiin son ge iđii «Stjernekamp» lávdái, go artisttaid almmuhedje.

Muhto lea dihto musihkkasuorgi mas 19-jahkásaš suoli ballá.

– Opera lea dat mii dáidá leat stuorámus hástalus munnje, lohká Bjørsmo.

• Loga maid: Vegarda áigumuš sáhttá hirpmáhuhttit – ii soaitte dat maid vuorddát 19-jahkásaččas

Stuorra vuordámušat

– Finnmárku gal duođaid ii beahte «Stjernekamp», lohká TV-prugrámma jođiheaddji Kåre Magnus Bergh.

Golbmii leat Finnmárkku lávlut leamaš finálas.

Unjárgga nieida Agnete Johnsen ge lei «Stjernekamp» loahppagilvvus 2013:s.

Gilvvu duopmár Mona B. Riise maid rámidii Bjørsmo.

– Vegard lea mu mielas gelddolaš artista, lohká Riise.

Eai galgga juoigat

Hiphop ja opera leat leamaš oassin gilvvus álggu rájes.

Eará musihkkasuorggit molsašuvvet jagis nubbái.

Jagi 2017 rájes lea luohti ge leamaš okta dáid surggiin. Dán jagi eai galgga artistta juoigat.

«Stjernekamp» artisttat 2020

Vegard Bjørsmo lassin gilvalit dát ovccis:

• Sandra Lyng (33), Mussere / Mosjøen
• Emil Solli-Tangen (30), Porsgrunn
• Hege Øversveen (34), Biri
• Knut Marius Djupvik (32), Tomrefjord
• Myra (25), Bergen
• Anita Hegerland (59), Sandefjord/Nærsnes
• Odd Einar (48), Årdal
• Ingeborg Walther (20), Skjeberg/Sarpsborg
• Alex Rosén (52), Oslo/Jar

• Loga maid dárogillii: Stjernekamp-Ella etter seieren: – Denne er til urfolket
• Loga maid julevsámegillii: Ella Marie juogos ISÁK Stjernekamp-finálan lávllu
• Loga maid ođđadárogillii: Bilal Saab (20) vann Stjernekamp: – Vi er best i verda på å heie kvarandre fram

• Geahča maid: