NRK Meny
Normal

Nuorra almmái válddii badjelasas dološ doaimma

1954s ásahuvvui ullogárrehat Gáivuonvággái, Davvi-Tromssas. Das rájes leamaš gárrehat doaimmas masá čađat, earret dalle go moatti jahkái lei heaittihuvvon.

Brødre startet med ullgarveri i Kåfjord

VIELJAŠ GUOVTTOS: Gurut bealde govas 18-jahkásaš Eirik Løvli ja su viellja 21-jahkásaš Anders Løvli.

Foto: Klemet Anders Sara / NRK

– Gárrehaga álggahii mu áddjá ja doaimmahii dan gitta jagi 1994 rádjái, go son heittii de válddii gis mu eanu badjelasas ullodoaimma. Ja diibmá son de jearralii, háliidan go mun joatkit ullogárrehagain, ja dan dáhtton, dadjá nuorra almmái Anders Løvli (21).

Ullgarveri

UNNA VIELLJAŠ: Nuorat viellja Eirik Løvli (govas) lea maid veahkkin go sus deaivá leat astoáigi. Ullogárrehagas lea olu bargu, earret eará doalahit golbma stuora mašiinna ortnegis ja doaimmas.

Foto: Klemet Anders Sara / NRK

– Dasto lea gárrehat mannan buolvvas bulvii. Okta erenoamánvuohta gárrehágain lea ahte doppe leat mašiinnat mat leat badjel 100 jagi boarrásat, Anders Løvli muitala.

  • Guldal dás go NRK-Sápmi finadii gárrehagas: