Bargiidbellodaga nomonašuvdnalávdegoddi čoahkkimis dá gieskat mearriduvvui ovttajienalaččat ahte Bargiidbellodaga presideantaevttohas lea Helga Pedersen, ja Bjørn Inge Mo ges várrepresideantaevttohas. Dán muitala Bargiidbellodaga nominašuvdnalávdegotti jođiheaddji, Tom Kappfjell.
Válljejuvvo bellodaga evttohassan
Tom Kappfjell muitala ahte bargiidbellodagas leat 7 foruma, mas válljejuvvojit áirasat bellodaga váldonominašuvdnačoahkkimii Romssas váile mánu geahčen.
Dáid čieža forumas leat oktiibuot 40 áirasa nominašuvdnačoahkkimii, ja 27 dáin áirasiin leat juo ožžon dieđu iežas forumas ahte sii gaget doarjut Helga Pedersena.
Dán duođašta nominašuvdnalávdegotti jođiheaddji, Tom Kappfjell, ja dadjá ahte orruleamen áibbas čielggas ahte Helga Pedersen válljejuvvo bargiidbellodaga presideantaevttohas bellodaga nomiinašuvdnačoahkkimis Romssas skábmamánu 19.- 20.beivviid.
