– Romssa ja Finnmárkku Olgešbellodagat evttohit guokte nama dán ođđa filkii, Davvin sámegillii ja dárogilli Finnmark og Troms, muitala Ellen Kristina Saba (O).
– Mu mielas ii leat Finnmárku sámi namma, mu mielas lea mihá buoret ahte mis lea albma sámi namma, nugo Davvin lea, lohká Saba.
– Mu mielas ii leat sámenammá Finnmárku, mu mielas lea mihá buoret ahte mis lea albma sáminammá, nugo Davvin lea, lohka Ellen Kristina Saba.
Foto: Piera Balto / NRKManne dárogiel namma vel galgá leat?
- Mii leat soahpan joavkočoahkkimis, eanetlohku háliida ahte galgá leat dárogiel namma, ja mii sámit háliidit ges sámegiel nama.
Otne lea historjjálaš čoahkkin Girkonjárggas gos Finnmárkku ja Romssa filkkadikkit deaivvadit. Sii digaštallet earet eará nama dán oktasaš filkii, mii jáhku mielde ásahuvvo 2020:s.
Jorgalit nama
Ovddádusbellodaga Claus Jørstad muitala ahte sii evttohit Nordlys dasa namman.
– Mii digaštalaimet ja gávnnaheimmet ahte namma galggašii leat Nordlys, go dat fátmmasta buohkaid seammás go heive vuohkkasit riikkaidgaskasaččat nai.
Ovddadusbellogada Claus Jørstad muitala ahte sii leat evttohan Nordlys, ja dan sáhtta álkit jorgalit sámegilli sámi oktavuođain.
Foto: Piera Balto / NRKNaba sámi namma?
– Sáni Nordlys sáhttá hui álkit jorgalit sámegilli, ja geavahit sámegiel nama sámi oktavuođain.
Ii vel čielggas
Romssa filkkadiggi Bargiidbellodaga Willy Ørnebakk muitala iežaset mearridan ahte ođđa namma galgá leat golmma gillii.
– Mii Romssas oaivvildit ahte galgá leat Troms og Finnmark - Den arktiske region. Ja Finnmárkku Bargiidbellodagas gis Finnmarken. Lávdegoddi digaštallá ja guorahallá movt lea buoremus.
Willy Ørnebakk Romssa bargiidbellodagas muitala ahte lávdegoddi galgá guorahallát mii lea buoremus, jađe ovdanbuktit dan oktasaš nammaevttohusa.
Foto: Piera Balto / NRKSii leat mearridan ahte namma galgá leat máŋgga gillii.
– Romssa filkkadiggi lea mearridan ahte namma galgá leat golmma gillii, dárogilli, sámegillii ja kvenagillii, muitala Ørnebakk.
Hanne Iversen Noste, guhte ovddasta Finnmárkku Bargiidbellodaga, muitala ahte sutnje lea dehálaš ahte Finnmark lea oassin ođđa namas.
- Mun doarjjun Finnmarken nama, muhto buot deháleamos lea ahte namas lea Finnmark okta oassin.
Hanne Iversen Noste (bb) lohka sunnje lea dehálaš ahte Finnmark lea oassi namas.
Foto: Privat / NRKUnjárgga politihkkárii lea dehálaš ahte sámi guoskevaš áššit nai leat guovddážis dán barggus. Gažaldahkii ahte galgá go biddjot sámegiel namma ođđa filkii, de vástida son ná.
– Ahte ođđa namma lea sámegilli nai, lea diehttelas, lohká Iversen Noste.
Loahpaloahpas de mearrida Norgga ráđđehus nama.
