Minngemes duarstan Plassjen tjïelteståvroe akte raeresne nænnoestin, edtjieh saemien maanagïertem Plassesje tseegkedh jis budsjettem buektiehtieh. Guktie dihte budsjeedte sjædta daam edtjieh tjïeltenståvroe tjåanghkosne goeven 10.b. nænnoestidh.
Plassjen tjieltenåejvie Hans Vintervold tuhtjie vihkeles jih åarjelsaemien gïelem nænnoestidh.
– Mijjieh daelie nænnoestamme edtjebe giehtjedidh jih vuejnedh guktie edtjebe daam buektiehtidh. Daate vihkeles jih saemien gïelem lutnjestidh, Vintervolde jeahta.
Plassjen tjïeltenåejvie Hans Vintervold.
Foto: Lise SørensenSaemien gïele goevtese.
Støøremes tjoepere lea guktie beetnegh buektiehtidh.
– Daelie voestes raajeste, edtjebe jijtjen saemien gielegoevtesem tseekedh, akte dejstie mijjien tjïelten maanagïertesne. Ibie ennje buektedh jïjtsh saemien maanagïertem tseekedh, dagke jis beetneh vierhtie lissiem åadtjobe, Vintervolde jeahta.
Gåessie daate bist sjædta?
– Edtjebe daam mubpien tjaktese rïhpestidh, jih daate maahta åvtebarkoe sjidtedh jis edtjebe gïelereereme dajvese tjaangedh, Tjïeltenåejvie jeahta.
Maanagïerte saemien voestes gïelesne.
Thomas Ole Andersen akte geerjene aehtjie mij tuhtjie hijvene daelie saemien maanagïerte sjædta.
– Daate vihkeles mijjien maanide jis edtjieh saemiestidh. Voestes gïeline sjædta. Manne geerjene tjïelte daam nænnoestamme, Andersene jeahta.
Thomas Ole Andersen.
Foto: PrivatEejhtegh ïedtjigujmie barkeme jih politihkeridie eadtjoestamme.
– Mijjien maanah reaktoem utnieh jih sijjiem tjïelten maanagïertesne åadtjodh jih dellie mijjieh jeahteme, sijhtebe gaajhkh saemien maanide akten maanagïertese tjøønghkedh. Tjoereme politihkerigujmie soptsestamme jih vuesiehtemme daate joekoen daerpies mijjese, Andersene jeahta.
Stoerre barkoe.
Andersene veanhta dihte støøremes barkoe lea jih eensi saemien aarke biejjiem maanagïertesne buektiehtidh gusnie dihte saemien gïele jih kultuvre nænnemes.
– Månnoeh baahtjetje tuhtjien vihkelommes åadtjoen kultuvreaerpiem nuhtjedh, månnoeh daelie aavone, Andersene orrije.
Lohkh daam daaroen gïelesne:
