Hopp til innhold

Stuorra beroštupmi Gaskaijarockii

Joavkkut mat čuojahit dán jagi Gaskaijarockas Leavnnjas orrot geasuheamen. Eambbo preassaolbmot go goassige ovdal leat ožžon akkrediterema riemuide.

Olbmot ovddabeale Gaskaijarocka lávddi.

Olbmot ovddabeale Gaskaijarocka lávddi.

Foto: Bjørn Arne Johansen

Gaskaijarocka Leavnnjas lágiduvvo Leavnnjas Finnmárkkus dán vahkkoloahpa. Vuosttaš joavkkut leat jo ikte čuojahan. Otne ja ihttin leat vel ain eambbo konsearttat.

Gaskaijarocka márkan- ja wbbaovddasvástideaddji, Stian Eliassen muitala ahte dán jagi riemuide leat 25 preassaolbmo ožžon akkrediterema. Dát lea mealgat eambbo go dan mii dábálaččat láve.

Gula jearahallama

Europe geasuha

Ruota joavku Europe geasuha eanemusat.

Ruota joavku Europe geasuha eanemusat.

Foto: Erik Weiss

Stian Elisassen lea hirbmat duhtavaš go ná olu preassaolbmot beroštit Gaskaijarockas. Earret eará lea stuorra musihkkamágasiidna ja TV-stášuvdna ožžon akkrediterema.

- Dát beroštupmi čájeha, ahte mii leat deaivan bures joavkkuiguin maid dán jagi leat ožžon deikke. Preassaolbmuin lea vuosttažettiin beroštupmi joavkkuide numo Europe, Kurt Nilsen ja The Diciplines, čilge Eliassen.

- Europe konsearta Leavnnjas lea okta sin áidna konsearttain Norggas dán jagi. Danne lea lunddolaš, ahte dasa lea stuorra beroštupmi, oaivvilda son.

- Ođđa oláhusjahki

Dán jagi Gaskaijarockii leat maid ovddalgihtii vuvdon olu bileahtat. Stian Eliassen navdá dát jahki sáhttá buktit ođđa oláhusa.

- Mis lei oláhusjahki jagis 2006. Dalle čuojahedje earret eará Turboneger ja Ralph Meyers. Dáid vuovdinloguid leat áigá jo časkán sakka, mojohallá Eliassen.

- Mii guoská ovddalgihtiivuovdimii, de mii dáppe davvin eallit dainna diliin ahte olbmot njulgestaga eai arvva oastit bileahtaid ovddalgihtii. Dán jagi lea dát ášši buoret ja seammás leat mii vuovdán bileahtaid máddin maid. Europe lea gal dása okta čilgehusain, navdá Eliassen.

Loga maiddái:

Dán geasi riemut

Publisert

Ártna vuorká

Mer om: Ártna vuorká

Mer fra NRK Sápmi

Korte nyheter

  • Nyhetssenter Troms og Finnmark

    Legger Digermulen vindkraftverk på is

    Finnmark Kraft og Fred. Olsen Renewables har besluttet å prioritere Laksefjorden vindkraftverk, mens arbeidet med Digermulen vindkraftverk stilles i bero.

    Det melder Finnmark Kraft i en pressemelding.

    – Vi retter nå fokus mot å videreutvikle Laksefjorden vindkraftverk, og dette inkluderer en tett dialog med grunneier, lokalsamfunn og andre rettighetshavere.

    Prosjektet er tenkt lokalisert på halvøya mellom Eidsfjorden og Mårøyfjorden i Lebesby kommune, og har et potensial på cirka 60–65 turbiner og en total installert kapasitet på inntil 450 Megawatt.

    – Vi har stor tro på at Laksefjorden vindkraftverk kan bli et verdifullt prosjekt for regionen. Prosjektet vil, ved å utnytte et areal som i stor grad allerede er regulert til vindkraftformål, gi store inntekter til Lebesby kommune, og en forbedret forsyningssikkerhet Nordkinnhalvøya.

  • Ođđasat - Davvisámegillii

    Čiekčá vuosttas geardde Sámi ovddas

    Guhtta joavkku servet dán gease Conifa nissončiekčamiidda Bodåddjos.

    Sámi nissonriikkajoavku lea okta favorihtain vuoitit dán gease CONIFA čiekčamiid. Sii oainnat vuite 2022 CONIFA nissončiekčamiid Indias mat ledje vuosttaš stuorát gilvvut.

    Jenny Marie Mannsverk lea okta dan 18 čiekčis váldon mielde ovddastit sámi nissonriikkajoavkku dán gease.

    Son ii leat ovdal čiekčan Sámi ovddas, ja lohká šaddat hui somá ja illuda dasa. – Mun lean maid hui giitevaš go dán vejolašvuođa dál oažžu, lohká Mannsverk.

    Jenny Marie Mannsverk, FA Sápmi
    Foto: Privat
  • Ođđasat - Davvisámegillii

    Buljo joatká Juoigiid searvvi jođiheaddjin

    Karen Anne Buljo vuolgá ođđasit jođihit Juoigiid Searvvi. Dát searvi lea ásahuvvon 1988;is ja lea árbevirolaš juigiid várás. Sin doaibma lea ovddidit ja seailluhit árbevirolaš juoigama juoigama.

    Buljo lohká leamaš miellagiddevaš jođihit searvvi ja son lea bidjan olu návccaid dasa. Kontinuitehta lei okta sivva manin son válljii joatkit.

    – Álggus mun ledjen jurddašan ahte in mun joatkke, muhto fuomášedjen ahte gal mun veajan. Ulla Pirttijärvi lei nubbijođiheaddji, ja moai smiehtaime ahte moai jotke.

    Ulla Pirttijärvi Länsman maiddái válljii joatkit doaimmas ja lea searvvi nubbijođiheaddji.

    Karen Anne Buljo
    Foto: Marie Louise Somby

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen