Julevsábmáj

Ådåsa - Julevsábmáj

  • Aktisasjsjbargov árvustallat

    Sámedigge sihtá dal aktisasjbargov árvustallat Bådådjo suohkanijn. Niellja jage l dallutjis gå dát aktisasjbarggosjiehtadus jåhtuj bådij. Bådådjo suohkan la dájna vælggogis sáme gielav ja kultuvrav nannit ja åvddånahttet. Tjåhkanibme l bårggemáno giettjit biejve. Sæmmi biejve la guovddokonsærtta sáme musihkkajuohkusijn Ánnásuolo. Dát dahpádus la oasse Nordlánda musihkkavahkos.

    Publikum på Bodø torg under åpninga av Nordland Musikkfestuke.
    Foto: Eva Cathrine Berget / NRK
  • Deanu divrámus. Loabák álbemus.

    Deanu suohkan la divrámus suohkan Vuona sámesuohkanijs mij guosská suohkana jahkásasj divuda. Dav vuosedi lågo majt smartepenger.no la Statistihtalasj guovdásjdåjmadagás viedtjam. Tjáhtje, ruhtse, gålgijdahka ja suohttsim máksá juohkka årudagás Deanon 19.581 kråvnå jahkásattjat. Divtasvuona suohkan la vargga divrámus gånnå de máksi 18.313 kråvnå. Loabága suohkan la álbemus sáme suohkanij gaskan gånnå máksi 10.113 kråvnå. Hægebostad la divrámus dán rijkan 26.028 kråvnåj, madi Årdal suohkan la álbemus 6.050 kråvnå jahkásattjat .

    Båteng, Tana kommune
    Foto: Ann-Mary Eriksen
  • – Dát sámekultuvrav låppti

    Sáme juoksa, guovtet muoras dagádum, la dal riek ájggeguovddelis. Geir Anders Hætta Berg Murgosvuonas Nordlándan la Trøndelágan manádam skåvllåmánájda vuosádallamin dáv sierralágásj sáme juovsav. – Ájnas la dán birra mujttalit. Dát låppti sámekultuvrav dajna gå oahppe oadtju ietjá vuojnojt sáme kultuvrraj. Sábmelattja ælla dåssju boahttsuj barggam ja nav, javllá Hætta Berg guhti de vat tjavtjabielen skåvlåjda la manon dájna sierralágásj juovsa birra kultuvralasj skåvllåvuossa baktu. Ja máná aj diedon oadtju juovsav gæhttjalit.

    Geir Anedsr Hætta Berg med tovedsbue
    Foto: privat
  • Ådå moattemedijájournalissta

    Anders Boine Verstad (22) NRK Sámen virggáj biejaduvvá moattemedijájournalisstan bårggemáno 12. biejve rájes.

    Boine Verstad stuoves virggáj biejaduvvá ådåsåssudagán, ja suv barggosadje la ådåsguolben Marienlystan, Oslon.

    Moattemedijájournalissta sihtá javllat ådåsijt moatte mediájda buvtadit. NRK Sábmáj dát merkaj álmmuga dárbojt tjuovvot: Sierraláhkáj mobijla, nehta ja sosiála media baktu - valla aj sisanov radioj ja TVij.

    Anders Boine Verstad intervjuer Fred Buljo
    Foto: Andreas Blaauw-Hval / NRK
  • Gasskarijkasasj biebbmomárnánij?

    Da la de dujna vejulasj oajvvadit guhti máhttá stuorra dujska biebbomárnánij oassálasstet. Fylkamánne l oassálasstijt åhtsåmin boahtte jage stuorra gasskarijkasasj biebbmomárnánij Grühne Woche mij Berlijnan Dujskarijkan ásadalladuvvá. – Dan marnanin lij badjelasj 50 rijkajs tjoahken biebmov vuosedittjat, ja mij lip aj maŋen Nuortta Vuonas, tjállá Nordlánda Fylkamánne, ja gåhttju oajvvadusájt buktet. Dåhkki aj diededit jus iesj sidá oassálasstet. Dijmmá lij John Anders Sara vidnudagás Skodi Rein mañen Berlijnan.

    John Anders Sara for Skodi Rein på Grüne Woche
    Foto: Marianne Boine / NRK

RADIO

TV

Nyheter på samisk
Vi har blitt kjent med hverdagen deres gjennom serien "Rensköterna" på SVT, nå er dem gjester i "Studio Sápmi". I tillegg kommer gruppa som blander salmer med joik, er de redd for å provosere noen?