Julevsábmáj

Ådåsa - Julevsábmáj

  • Loavggagárggán skåvlå åvdås

    Sulle 600 vuosedin moarev iektu Nordlánda fylkasuohkana oajvvadussaj hiejtedit soames linjajt Knut Hamsun joarkkakåvlån Hábmerin. Oajvvadus la ådå ásadum asstoájggelinjav ja tseiggimfáhkalinjav skåvlån hiejtedit. Oahppe Ingeborg Pedersen javllá ij la dåhkkidahtte asstoájggelinnja gáhtu skåvlås gånnå sån vádtsá. – Dát ij la dåhkkidahtte. Ietjá skåvlåjn ælla sámefálaldagá, sierraláhkáj julevsámegiela fálaldagá. Gulldala ådåsijt dánna.

    Loavggagárges Hábmerin
    Foto: Sander Andersen / NRK
  • Vuosteldi skåvllåhiejttemav

    Gasskavahko dán vahko de gæhttjali stuorra loavggagárggáv ásadit Oppájden Hábmerin. Sivvan le gå sihti tjalmostit gå Nordlánda fylkasuohkan sihtá åsijt Knut Hamsuna joarkkskåvlås hiejtedit, ja Hábmera æládussiebrre mij dáv ásat sihtá vuosedit viesáda ja oahppe skåvlån vuosteldi dán fylkasuohkana oajvvadussaj. Fylkasuohkan má sihtá dájna oajvvadusájn rudájt siesstet.

    Knut Hamsun joarkkaskåvllå/Knut Hamsun videregående skole
    Foto: Harrieth Aira / NRK
  • Bådåddjo vájbi gålmåjn namáj

    Gå dal bidumsáme tjálálasjgiella la dåhkkidum de vájbi Bådåddjo oadtju bidumsáme namáv aj, duodden julevsáme nammaj ja dáronammaj. Bæjválasj jådediddje bidumsámeguovdátjin Duoddara Ráfe Stig Morten Kristensen ij jáhke dássta vuojga rijddo sjatta, ja viertti såbalasj tjoavddusav dási gávnnat. Dat miella l aj bájkenammaberustiddjen Samuel Gælok julevsámeguovlos mij mielajt la Bådådjon gal dåhkki gålmmå namá. Gulladala ienep julevådåsijn dánna: Julevådåsa

    Bodø-Bådåddjo-skilt
    Foto: Simon Piera Paulsen / NRK
  • Stuorra dárbbo minerálajs

    – Minerálajda la boahtte ájge stuorra dárbbo jus ruodná målssusimev galggá tjadádit, ja dan aktijvuodan de dát oasse rijkas máhttá viehkken liehket. Dav javlaj fylkaráde Nordlándan Ingelin Noresjø gå de tjoahkkáj giesij diedádusáv mij subtsas aktisasj minerálaájggomusá birra majna da gålmmå fylksuohkana Nuortta Vuonan lij barggamin. Dát aktisasj minerálájggomus subtsas aj man ájnas minerálaæládus la árvvoháhkuhibmáj ja ådå barggosajijt ásadit. Stuorra oasse minerálajs li má Nuortta Vuonan, dagu dánna vuodjagiergge Hábmera suohkanin.

    Linnajávrre
    Foto: Sander Andersen / NRK
  • Dáktebátsudisá mujtton

    Guokta mujttotáblo ilmoduvvi Vánasjsuollun Divtasvuonan bierjjedagá. Táblo li tsieggidum suollu histåvrå diehti almulasj girkkogárdden ja sáme hávdesadjen mij lij juo dålusj sáme åsko rájes. Divtasvuona suohkan ásat dáv ilmodimev. Jages 1886 gitta birrusij 1910 lij suoloj anon almulasj girkkogárdden. Tjerdajdutkama aktijvuodan 1900 jagijn váldeduvvin dáktebátsudisá Vánasjsuollus ja ietjá sajijs Divtasvuonan. Dáv dahkin váni gatjádak guoskavasj familjajs, ja vil uddnik li dá dáktebátsudisá Oslon oassen Schreinera tjoahkkijs.

RADIO

TV

Nyheter på samisk
Vi har blitt kjent med hverdagen deres gjennom serien "Rensköterna" på SVT, nå er dem gjester i "Studio Sápmi". I tillegg kommer gruppa som blander salmer med joik, er de redd for å provosere noen?