Aalkoealmetjh Amerikasne klijmakompensasjovne åadtjoeh

Les på norsk: Amerikanske urfolk mottar klimakompensasjon.

Aalkoealmetjh Washingtonsne, Amerikasne, 52 millijovnh kråvnah prosjektide åadtjoeh, mij edtja dejtie dåarjodh mah haestemh klæjmajorkestimmeste åadtjoeh. Aaj dejtie mah haestemh åadtjoeh gosse mearoe jïllebe sjædta.

Beetnegh klæjmanjoelkedasseste båata, mij darjoeh voenges sïelth goh jïjnje klæjmagaassh luejhtieh tjuerieh sïebredahke kompenseeredh. Medtie gaajhke aalkoealmetjedåehkieh beetnegh åadtjoeh, Sameradion tjaala.

Quinault Nation Stillehavskysten lïhke 13 millijovnh kråvnah åadtjoeh, dah maehtieh nuhtjedh gosse tjuerieh sijjen göökte sjieltieh bæjjese juhtedh, gosse mearoe jillebe båata.

Abpe våhkoe lea giesie Noerhte-Nöörjesne

Mátta-Várjjaga tjïeltesne lij bïjvelommes sijjem Nöörjesne dæjsta, 27,7 graadigujmie. Movhte hïeljesne vearelde ånnetje jorkese.

– Ånnetji geervebe sjædta, movhte annje sïjhtem jiehtedh buerie sjædta. Sjædta giesie abpe våhkoen Noerhte-Nöörjesne, jïh inhtsie Nordlaantesne tjaebpies vearelde aejlegen sjædta, meterologe Ingrid Villa, meterologiske instituhtistie jeahta.

Hïeljen mænngan giesievearelde bååstede båata vihth. Dellie guekedh sjædta, jïh temperatuvre maahta 25 graadh gellie lehkesne sjïdtedh.

Sex, aejnie-vaejnien vuelie jïh vaajmoegïele

Nelly Engström sexen bïjre soptseste jïh aejnie-vaejniem joejkede juktie vaajtele saemien gïelem vaarjelidh. Mohte mij dah veavloeh-saemieh tuhtjieh, jïh lea nuekies goh saemie?

Dïhte boelhke ”Sommer i P2” åtna, gusnie såårnoe sov jielemen bïjre. Guktie voestes idtjih doesth, jallh maehtieh soptsestidh dïhte lea saemie, jïh daelie maahta aejnie-vaejnien vuelie NRK TVsne joejkestidh, jïh sov vaajmoegïele åarjelsaemiengïelem soptsestidh.

Maahtah abpe boelhke daesnie goltelidh.

Tjomperdieh feerh vaenie duvrieh

Les på norsk.

Eatnemevaarjelimmieforbunde tjomperde feerh vaenie duvrieh Nöörjesne gååvnese. Krïevede væjroeluhpienjoelkedassh striengkebe sjædta, jïh ahte klijma- jïh byjjesfaamoedepartemente maam joem darjoeh.

Aejlegen akte vielie bïesse Laakesvuemiesne, Trööndelaagesne skåahtadin. Dan jaepien gaektsie duvrieh Nöörjesne gahtjehtamme. Njieljie Finnmarkesne, golme Sisdajvesne jïh akte Trööndelaagesne.

– Lea aalvas stoerre låhkoe duvrielåhkoeste mij edtja stuerebe sjïdtedh, biologe eatnemevaarjelimmieforbundesne, Arnodd Håpnes jeahta.

Sivilforsvaret i Øst-Finnmark: – Få møter opp til øvelser

Sivilforsvaret opplever problemer med at få møter opp til øvelser og trening i Øst-Finnmark.

Det skriver Ságat.

Dette kan både bli kostbart og føre til politianmeldelse, ifølge sivilforsvarsinspektør Ola Johansen.

– Konsekvensen kan være at det enkelte mannskapet ikke har nødvendig kompetanse, sier Johansen til Ságat.