Nøørje maahta gøøkte tæjmoe tjøødtjestidh. Daan gaavhtan daate lea politihke streike dannasinie Nøørjen reereme edtja daam Barkoebyjrese laakem jarkesidh.
Maanagïerth jih skuvlh.
Muvhth dejstie Nøørjen maana-gïertijste jih skuvlijste ts 14.00 steegkieh. Daate lea politihke streike, jijtjesyjhtehts. Dah lohketæjjah skuvline jih maana--gïertine åadtjoeh jijtje veeljedh jis sijhtieh meatan årrodh.
Muvhth skuvle-maanah tjuerieh skuvlem varkebe orrijehtedh. Dah tjïelth åadtjoeh jijtje reeredh jis edtjieh skuvlide dahpedh.
Snåasen tjïeltesne edtjieh aaj streikedh.
Guktie bist Åarjelsaemiej skuvlesne jih Suaja maana-gïertesne sjædta. Rektovre Susanna N Valkeapää , Åarjelsaemiej skuvlesne Snåasesne vaestiede.
– Gaajhk nieljie barkijh mij Suaja maana-gïertesne barkoeminie, edtjieh daan biejjien streikedh. Dellie maa naemhtie løøveme, gøøkte jeatja viehkie barkijh gåtjkoehtamme jih manne aaj goh åejvine maana- gïertesne barkem.
Guktie bist Åarjelsaemiej skuvlesne?
– Mijjien daelie gïele jih kultuvre våhkoe, Åarjel saemiej skuvlesne. Dah barkijh internaatesne edtjieh aaj streikedh, desnie ibie darpesjh naan viehkie barkijh øørnedh, gosse maanah skuvlesne lea, Valkeapää bievnede.
Busse, ruevtie-raajroe jih girte -skovhte stoerre staarine, tjøødtjehte.