Vilde Sofie Langås (17) la ávon ja riek mielos gå dal spælla New Amigos julevsámegiellaj aj boahtá.
– Riek ájnas la dakkár spelav oadtjot julevsámegiellaj. Dat la má spælla mij giellatijmajn skåvlån aneduvvá, ja manen de ij julevsámegiellaj aj, gatját Vilde Sofie Langås guhti l oahppe Knut Hamsun joarkkaskåvlån Hábmerin.
Jådon lij juo
Da la Stormen sáme guovdásj Bådådjon mij rudájt oadtjum la dáv spellav julevsámegiellaj åvddånahtátjit. Ja gå dal ájgge dåbbán, da lij jådon gielav danna julevsábmáj jårggålime, ja spelav julevsámegiellaj hiebadahttemin.
New Amigos gávnnu juo oarjjelsámegiellaj ja nuorttasámegiellaj.
Sámedigge l 300.000 kråvnå ja Nordlánda fylkkaráde l 250.000 kråvnå juollodam Stormen sáme guovdátjij dán ulmmáj.
Appa gávnnu
Sámerádediddje Stormen sáme guovdátjin Maria Hernes subtsas appa juo julevsámegiellaj gávnnu, valla ij diellospælla.
– Dajna de New Amigosijn aktijvuodav válldiv. Ja gå ittjij julevsámegiellaj gávnnu, de lij muv mielas tjielgas majt dahkat.
- Lågå aj: Rádiorájddo galggá aj julevsábmáj
Buorre vuohke
Vilde Sofie Langåsa mielas la suohtas dáv spellat dajna gå la gilpos. Ja Langåssaj dåbddu dát riek buorren.
– Dat la má riek buorre vuohke gåktu gielav oahppat. Ja de l riek hiebalasj dan lahkáj vaj máhtá iesj válljit ietjas gielladáse milta.
Ájnas gielav adnet
Fylkaráde Nordlándan Tomas Norvoll guorras Vilde Sofie Langåssaj.
Norvoll javllá jus giella galggá åvddånahttet, de lij nuorra ulmutjijda gesi luohtedit dan láhkáj vaj gielav oahppi, gielav adni, ja lijkkuji dasi.
– Ájnas la julevsámegiella aneduvvá, ja ij dåssju «teorehtalasj» giella mij aneduvvá. Ja ávon lip gå de dáv prosjevtav doarjjop.
- Gulldala ienebuv New Amigosa birra Julevmagasijnan:
- Lågå aj: Ietjas Buks-Beretijn buohtastahttá
- Lågå aj: Vájmo giela rahtjamus
- Tjuovde kvissa: Lidji gus dån máhttet liehket tjiegos agænnta?