Rádiorájddo galggá aj julevsábmáj

– Gulliv vuostak ij boade julevsámegiellaj, e biedniga gávnnu. Valla dálla gåjt boahtá. Sámerádio ja mánájrádio libá aktan barggam váj máhttá huoman julevsábmáj jårggålit ja báddit.

Johan Sandberg McGuinne, gut la akta tjállijs, la ávon gå rájddo mij oarjjelsábmáj vijmak la julevsábmáj jårggåluvvam.

Elsa Laula birra

Rájddo namájn «Elsa Saajve-gånkan rïjhkesne», álgij juo gålgådismánon dijmmá Svieriga sámerádion. Ja dálla julevsábmáj boahtá.

– Måj Anne Wuolabijn lin rádiorájdov Elsa Laula iellema birra tjállám. Dat la sámemánájda, ja danen ájnas la julevsábmáj aj. Danen lav mån ávon julevsábmáj boahtá.

Oalle dáhpádusá ja subttsasa

Subtssasin li oalle dáhpádusá, ja aj imálasj vájkkudusá ma li viettjadum sáme mytologijas.

Elsa Sájvva-Gånågisáv iejvvi guhti ietjas rijkan årru. Sájvva la dagu ietjá muodugasj værált, gånnå sámij ilmeniera ja hálde årru. Subttsasin Elsa girjijt tjállá. Dav almmavuodan aj dagáj, gå tjoahkkij sámijt vuostasj rijkatjåhkanibmáj Roandemin jagen 1917.

Lisa Lyngman Gælok la jårggåliddje, ja Elina Israelsson låhkå dáv rájdov julevsámegiellaj.

Gulldala rájdov dánna