Oahpestiddje: – Muv fuolkke l dárojduhttemav garrasit vásedam

– Dálla gå hárjjidaláv de ålov dárojduhttema birra ságastav, danen gå muv fuolkke l dav garrasit vásedam.

Dav javllá divtasvuonak Oda Kjær Eriksen, gut dálla Ørnesan årru. Dán giese sån sáme oahpestiddjen válljiduváj, ja Vuonav miehtáj galggá mannat sámij birra giehtotjit.

– Ep låvdagoaden åro

– Sidáv gáddálisájt sámij birra gádodit, duola dagu subtsastit sáme e låvdagoaden åro, ja tjielggit divna sáme ælla boahttsusáme.

– Álmmugij vuosedit majt mij sáme dahkap ja gåktu lip.

Juohkka jage Sáme allaskåvlå nælljásav vállji gudi oahpestiddjen jagev galggi barggat.

• Lågå aj: Dette er årets nye veivisere

– Sidáv sámástit

Oahpestiddje Vuonarijka birra manádi giehtotjit sámij viessoma, kultuvrra ja histåvrrå birra oahppijda joarkkaskåvlån, valla aj oahppijda allaskåvlån ja universitehta dásen.

Oda Kjær Eriksen ittjij iesj sámegielav mánnávuodan åhpa, valla dav de dálla sihtá rievddadit.

– Iesj dal sámegielav gæhttjalav oahppat, ja ietjam mánájda sidáv sámástit vaj sámegielav oahppi.

• Lågå aj: Anne Berit (19) skal lære nordmenn mer om samene