– Na dat leat olbmot geat leat duššan boazodoalus. Muhtinat leat doddjon jieŋaid čađa. Muhtinat ges geavvan skohtera vuollái ja nu ain. Ja go olmmoš lea okto meahcis, de dus ii leat mihkke ge eará vejolašvuođaid jus ieš it nagot gádjut iežat. Na de don duššat dasa.
- Loga maid:
Lákkonjárgga boazodoalli Anders Nils Buljo, Guovdageainnus, ohcala buoret dorvvu go vánddarda okto meahcis. Dál áigu Norgga boazosápmelaččaid riikkasearvi (NBR) veahkehit su ja earáid ealáhusas.
Per John Anti
Foto: Dan Robert Larsen / NRK-Vuosttas gáibádus ferte leat ožžodit doarjjaortnega satelihtta heahterusttegii. Sin mielas galggašii buot boazodolliin geat johtet mehciin dákkár rustet.
Nu dadjá NBR nubbijođiheaddji Per John Anti. Son lohpida vuoruhit dorvvolašvuođa áššiid go searvi boahtte jagi šiehtadallagoahtá eiseválddiiguin ođđa boazodoallošiehtadusas.
Satelihtta heahterusttegat
Dat gávdnojit vaikko man olu satelihtta heahterusttegat.
SOS boallu inreach-rusttegis
Foto: Johan Ánte Utsi / NRKHálbbimus lea Spot Connect mii máksá sullii 1500 ruvnno, muhto dát rusttet doaibma vuosttamuččat nu ahte dat addá satelihtta signála mátketelefovdnii.
Okta eará rusttet lea Aqualink mii máksá sullii 2500 ruvnno.
Inreach mii lea hui bivnnut ja maid earet eará Finnmárkku fylkkamanni boazodoalloossodat lea oastán ovtta sihke oarje- ja nuorta-Finnmárkku kantuvrii. Dát máksá sullii 3500 ruvnno.
Mearkkaš - geavaheaddjit ferte máksit sullii 1500 ruvnno jahkái satelihtta bálvalusaid ovddas.
– Satelihtta heahterusttet dat gal dieđus ge livččii buorre diŋga, go ii han das leat eará deaddilit boalu de oažžu veahki. Manne vel ii diekkára, go juo lea dat vejolašvuohta, dadjá Anders Nils Buljo.
