Arvusmahttem Kalle Urhæjmmaj gå mushikkav buvtat la julevsámegielav nannit. Duodden la aj gå dåbddu sunji degu gulldaliddje sisanov suv musihkas dádjadi juska dal e sámegielav dádjada.
– Musihka ja lávllagij tjadá sidáv sámevuodav låkktit. Ulmutja javllin i dån dárbaja nav tjielggit ja ságastit. Galga ber lávllot. Ulmutjin la siello, vájmmo ja miella. Da li ienemusát ulmutja gudi e julevsámegielav dádjada gudi gulldali muv musihkkav ja huoman dádjadi. Musihkka vuojnnet duohtti sijá vájmov, javllá Kalle Urheim.
Lågå:
Giehtalakkoj
Kalle Urheim la sjaddam bajás Måsken, Divtasvuonan.
Kalle la musihkajn gillum 13 jage. Maŋemus jagijt la bachelorgrádaj låhkåm musihkkakonservatoriuman Råmsån.
Lågå:
Urheim la sjaddam bajás læstadiánalasj jáhkujn, ja suv mielas la musihkka ja jáhkko dagu giehtalakkoj vádtsemin.
– Ulmutja dárbahi muhttijn gullat fámov mij la ålggola ietjam vájmo. Dåbdåv álu gieresvuodav ja doarjov. Muv mielas mushikka ja jáhkko la sæmmi "ássje". Muhttijn dárbahip gullat fámojt ålggolin ietjam vájmo ja rubmaha. Iv la mån misjonerra, valla mån lávlov sijáj birra gejt mån æhtsáv.
Lågå:
Kalle Urheim konsærttarájdov la tjádádime maŋŋáj gå CDav la almodam.
Foto: Naima Nergård / NRKVuorbástuvvam
Konsærtta duorastagá, gånnå Kalle Urheimajn dejvadalájma, lij ålggosajen Sydøst mij la Bådådjon.
Kalle Urhæjmmaj dåbddu degu vuorbástuvvam la musihkajn ja åvddånbuktemijn.
– Suohtas la má ulmutjijda lávllot. Gå ulmutja lijkkuji dav liekkosvuodav ja gieresvuodav, da mån sjattav really happy. Yeah!
Lågå aj:
