Hopp til innhold

Dájddadahko buktá reaksjåvnåjt – buohtastahteduvvá mihttsamárraiehketdålåjn

Ådå dájdda­dahko Bådådjon buktá garra reaksjåvnåjt – buohtastahte­duvvá mihttsa­márra­iehket­dållån, ja suohkan­oajvve javllá ij lij sihtam dav ietjas hágánij.

Kunstverk i Bodø

Dát la dájddadahko «Girjegumpi», masi viesáda Bådådjon murkesti.

Foto: Vetle Mathiesen Knutsen / NRK

Les på norsk.

Soames mielas la dát tjiehpes dahko, madin iehtjáda mielas dát vuojnnu dagu bálkudis.

Sáme dájdda­dahko Girjegumpi la birra rája­duvvam ja vuose­duvvam jages 2018 rájes.

Dat boahtá Veneziabiennalas Italian, mij gåhtjoduvvá værálda stuorámus ja ienemus árvulasj arkitæktavuosádus. Dálla l dájdda­dahko tsieggi­duvvam stáda guovddelin Bådåddjon, ja sosiála mediján la stuor ságastallam dájdda birra.

Jáhkij dållå lij

– Vuoj lik, le gus dájdda­dahko?

Dav javllá Henning Karlsen NRK:aj gå gatjáduvvá mij la suv vuojno dájda birra.

Henning Karlsen

Henning Karlsen (27) ittjij rat dájddadahkuj lijkkuj.

Foto: Vetle Mathiesen Knutsen / NRK


– Mån jáhkáv tjalmme vuojnná. Muhtemijda la ihkap dájddadahko, javllá sån.


– Majt ájádalá gå dav vuojná?


– Jáhkkiv lij soames mánná gudi li hyhtov dahkam allasis, javllá sån.


Louise Krane Dreyer (15) aj alvaduvvá aj gå NRK sujsta gatját majt sån dájddadago birra ájádallá.

– Mån jáhkkiv lij mihttsamárraiehketdållå.

Louise ser inn i kamera med kunstverket bak seg.

Louise Krane Dreyera mielas la dájddadahko sierralágásj.

– Muv mielas la ájnas juhte muhtema duossti moalgedit dán láhkáj ja ietjá láhkáj dahkat gå dav majt iehtjáda li dahkam åvddåla, vájku la sierralágásj.

Avijssa Avisa Nordland la dán ássje birra tjállám vuostatjin.

Kommentára ma báktjin

Dájddadahko uvsajt almulattjat rahpá uddni biehtsemáno 19. biejve Bådådjon, valla rahpama åvddåla la stuorra ságastallama læhkám dájddadago birra.

Harald Jentoft Strand biedjam la gåvåjt dassta muhtem Facebook-juohkusij Bådådjon ja javllá NRK:aj sån alvaduváj vásstádusájs.

Harald Jentoft Strand

Harald Jentoft Strand dájddadahkuj lijkku.

Foto: Vetle Mathiesen Knutsen / NRK

– Gå vuostasj gåvåjt almodiv de oadtjuv ållo kommentárajt ja alvaduvviv gå nav ålos berustin, javllá sån.

– Le gus duv mielas dåhkkidahtte kommentára?

– Riek ålos ællim. Muhtema kommentára báktjin ållusijda, ja sierraláhkáj dájddárij guhti muv mielas la buoragit duodjuham.

Gåktu le dat duv mielas? Vatte ietjat vuojnov vuolemusán dárogiel ássjen.

Kunstverk i Bodø
Kunstverk i Bodø
Kunstverk i Bodø
Kunstverk i Bodø
Kunstverk i Bodø

– Ij de ietjam goahtguorraj

Bådådjo suohkanoajvve Odd Emil Ingebrigtsena (Oalgesbelludahka) mielas la årdnigis ulmutja javlli majt miejnniji.

Odd Emil Ingebrigtsen

Suohkanoajvve Odd Emil Ingebrigtsena (O) mielas la årdnigis ulmutja ietjasa vuojnojt juogadi.

Foto: Vetle Mathiesen Knutsen / NRK

– Dájdda galggá sihke hásstalit ja arvusmahttet. Navti la læhkám ja nav aj galggá liehket, javllá sån NRK:aj.

Ingebrigtsen javllá ij riekta diede majt galggá javllat dájda birra ietján gå suv mielas la juoga systiebma doason.

– Iv de dav ietjam goahtguorraj lágeda, valla muv mielas la vehi kult, javllá sån.

Ådåájggásasj låvdagoahte

Åvdep dájddárárvustalle Aftenpostenin, Danby Choi, javllá NRK:aj sån la dájddadagov Girjegumpi vuojnnám goappátjagá Italian ja Nasjonalmusiedjan.

Danby Choi - Sommer i P2

Danby Choi la oajvvedåjmadiddje kulturavijsan Subjekt ja åvdep dájddárárvustalle Aftenpostenin.

Foto: Robert Rønning / Robert Rønning / NRK

– Nasjonalmusiedjan lij buorre installasjåvnnå, ja dan diehti la gatjálvis jut Nango oadtju dav sæmmi vásádusáv ålggon, giehttu Choi.

Choi gåvvit dáv bargov ådåájggásasj låvdagoahten mij gåhttju ságastallamijda sáme arkitektuvra ja girjálasjvuoda birra.

Valla Choi dádjat e gal divna viesáda Bådådjon dájddaj lijkku.

– Muhtemijda soajttá råsskå, ja iehtjádijda mujttádus marginaliseridum kultuvra birra.

– Ij dat munji baste

Vájku la moattelágásj lájttemav buktám, de dájddár duoje duogen, Joar Nango, ij hådjåna.

Joar Nango

Joar Nango la dájddár installasjåvnnåj masi ulmutja li berustimev vuosedam dájt maŋemus biejvijt.

Foto: Vetle Mathiesen Knutsen / NRK

– Miján li ålos gudi dájda milta guorristi, ja dájdda l oadtjum positijva ja negatijva diededimijt. Ja tjielgas la aj dákkár arkitektuvralasj vuohke sjaddá vuojnnusin stáda guovddelin, javllá Nango NRK:aj.

Nango subtsas suv mielas la vuogas gå ulmutja subtsasti majt miejnniji, valla ij la gullam nievres tsuojggidusájs.

– Valla lav gullam ságajt Facebookas ja nievres kommentáraj birra. Iv rat tjuovo, valla buorre gå ulmutja berusti ja javlli majt lijkkuji ja majt e lijkku almulattjat.

– Ij nav ållo munji baste, duoddi sån.

Le gus dujna vuojno dájddadago birra? Diededa ietjat vuojnojt vuolemusán dárogiel ássjen.

Korte nyheter

  • Meahccebuollin várra stuorra osiin Davvi-Norggas

    Les på norsk:

    Sotnabeaivvi rájes lea báikkálaš várra suoidne- ja daŋasbuollimii Nordlánddas, Romssas ja Finnmárkkus. Meteorologalaš instituhtta sádde danne fiskes várrehusa.

    Goike guovlluin sáhttá šaddogeardi álkit buollát, danne ferte leat várrugas dolain. Dán ávžžuhit meteorologat.

    Várrehus gusto dassážii go arvá doarvái.

    Farevarsel 20. juli
    Foto: Meteorologene
  • Fortsatt utfordringer på noen apoteker etter globalt IT-kaos

    Noen apoteker sliter ennå med ettervirkninger av det massive IT-kaoset som oppsto fredag.

    Blant norske apoteker gikk IT-skandalen spesielt ut over apotekkjeden Apotek 1. Fredag måtte de stenge alle sine filialer, men de kom etter hvert opp igjen i drift.

    – De fleste Apotek1 apotek har tjenester som normalt, og for de apotekene der det fremdeles er utfordringer har Apotek 1 satt inn nødvendige tiltak for å sikre tilgang til medisiner, opplyser enhetsleder Kristine Romøren i Direktoratet for medisinske produkter til NTB lørdag formiddag.

    A sign notifies customers of a temporary closure due to IT issues at a Liquorland store in Canberra

    Alvorlige dataproblemer rammet hele verden: «Historiens største IT-kollaps»

    Alvorlige dataproblemer rammet systemer over hele verden fredag. Crowdstrike sier nå at problemet er løst.