Healsoe, svïhtjeme jih ov-messie saavremevuekieh edtja noeride eadtjaldehtedh jih aelkedh svïhtjedh. Daan aejkien dah geerve noerh, Saadteskenjuanesne (Saxnäs), Sveerjesne gaavnesjieh, ruffien 5.-7. b. 2015. . Gïelem nastedh jih Raarvihken tjïelte jih dah guektien gielen tjieltiej ektine, Sveerjesne, daam åarjelsaemien gïele-biesie hïeljem øørnieh. Healsoe jih saavreme vihkeles gaajkesidie, Gïelem nastedh åejvie, Sara Marja Magga bïevnede.
Gïelem nastedh -ektievoete åvtehke Sara Marja Magga.
Foto: NRK / NRK– Daate healsoe vihkeles aamhtese gaajhkesidie. Daejrebe hov daate saavreme, maahta viehkiedidh dejtie mah barkoes utnieh, daejnie psykiske healsoene. Dellie daate saavreme vihkeles viehkie sjædta, Magga jeahta.
Bihkedidh guktie maahta aelhkies-laakan saavredh.
Daesnie edtjieh væjkeles almetjh bihkedidh guktie edtjieh eensi-laakan saavredh, saavreme dirregh nuhtjedh, buerkiestimmie man vihkeles dihte beabpmoe gosse jijnjem svïhtjeminie. Bihkedimmie guktie edtja kråahpem myøvhkedidh, åedtjijde daanjedh, jih vïtnedimmie guktie kråahpe edtja utniehtidh jih vihkelommes åtna buerien åssjalommes gosse aalka saavredh.
– Ij daarpesjh saavreme- tjiehtjelem jis edtjh saavredh, daelie edtjieh vaejkeles almetjh bïhkedieh guktie maahta aelkies-laakan saavredh, viehkie dirregidie vuesiehtidh, Magga jeahta.
Jijnjesh båatieh.
Luhkie vijhte saemien noereh sijhtieh båetedh jih Magga bievnede sijjieh ennje gååvnese.
– Fuehpies tijjie gaajhkesidie, tjåanghkoeh dusnie jih daesnie jih manne daan geerjene daan jijnjesh læjhkan Saadteskenjuanese båetieh. Ennje sijjieh gååvnese jis gieh vielie sijhtieh båetedh, Magga jeahta.
Dah mah edtjieh saavremen bijre bïhkedidh leah Laara Dunfjeld, Malin Wilks jih Johan Martin Steinfjell.
- Lohkh aaj:
