NRK Meny
Normal

Manne lonuhii bellodaga?

Ulrika Louisa Snowdon, gávvalváhkilaš, ovddasta Šiella bellodaga Viesttarmeara válgabires. Son lea nubbin listtus gos bellodaga presideanttaevttohas Vibeke Larsen lea vuosttaš evttohas. Ulrika lea leamašan áŋgir Bargiidbellodaga nuoraidorganisašuvnnas AUF:s, muhto lea dál sirdán Šiella bellodahkii.

Váibmoáššit

– Mun boađán earenoamážit bargat mánáid ja nuoraid áššiiguin, nu dadjá Ulrika. Muđuid son háliida bargat oččodit oadjebas bajásšaddanbirrasiid miehtá Sámis. Son háliida sámegiela beaivválaččat galgat sihke gullot ja oidnot miehtá riika. Son dadjá sámegiela leat dehálaš sihke oahpahusgiellan muhto maiddái dearvvašvuođa suorggis. Son namuha earenoamážit psyhkalaš dearvvašvuođa suorggis.

Mediaovttasbargu

NRK Sápmi ja Ávvir leat ásahan doaimmahuslaš ovttasbarggu gos earret eará nuorra journalisttat jearahit nuorra politihkkárkandidáhtaid.

Mii leat humadan kandidáhtaiguin geat čavčča rájes sáhttet leat mielde váikkuheamen sámepolitihkka.