Gïelem Nastedh, Snåasesne, prieviem Saemien gærhkoe raaran tjaaleme, guktie laejhtieh gærhkoem, ihke baejieh almetjh kraevelem seamma biejjiem utnedh, goh dihte Saemien åålmege biejjie. Åejvie Sara Marja Magga bååhpere.
Åejvie Sara Marja Magga, Gïelem nastedh.
Foto: NRK / NRK– Daate øøvre rovneligs! Saemien åålmege biejjiem, edtjebe heevehtidh jih dellie muvhth jeatjah almetjh kraevielisnie. Tjuerieh saemide krøøhkestidh. Gïelem nastedh, åejvie Sara Marja Magga jeahta.
- Lohkh aaj:
Øørnegem Saepmesne buektiehtidh
Mubpien våhkan edtja Saemien gærhkoeraerie tjåangkanidh jih åejvie Anne Dalheime tuhtjie daate aamhtese ålvoes-nåake.
Saemien gærhkoeraerien åejvie Anne Dalheim.
Foto: www.kirken.no / Kirken– Ij leam daan bijre govleme. Manne tuhtjem, ij edtjh naan kraevele Nøørjesne, Saemien åålmege biejjesne årrodh. Daate ålvoes- nåake. Tjoeveribie øørnegem buektiehtidh mij abpe Saepmesne, seamma gaajhk laantine. Saemien gærhkoeraerie maahta barre eevtjedh, dah bæspah dah mij maehtieh daam nænnoestidh jih maam darjodh, Dalheime jeahta.
Guktie edtjede dijjieh daelie barkedh?
–Daan våhkan edtjem tjåanghkose Sveerjese, gusnie bæspah Nøørjeste, Sveerjeste jih Såevmeste edtjieh gaavnedidh jih dellie edtjem daan aamhtesen bijre soptsestidh, jih daan mænngan edtja Saemien gærhkoe raerie mubpien våhkoese tjåangkanidh jih dellie edtjebe daan bijre raarastalledh Dalheime jeahta.
Ij leah Nrk Sapmi ennje, Nidarosen bïspem, Tor Singsaasem jakseme.
