NRK Meny
Normal

Saemien Åålmege sæjhta permanente øørnegem utnedh

Saemien gærhkoeraerie edtja daelie nænnoestidh jis Saemien Åålmege, åarjelsaemien dajvesne edtja permaneente øørnege sjïdtedh.

Hattfjelldal kirke

Saemien gærhkoeraerie edtja Åarjelsaemien gærhkoejielemen bïjre nænnoestidh.

Foto: Billy Jacobsen / NRK 2009

Saemien gærhkoeraerien tjåanghkoe 16-17.9-2014 Leavdnjesne, noerhte Nøørjesne. Akten aamhtesen bijre, maam edtjieh digkiedidh, lea Saemien Åålmege, åarjelsaemien dajvesne. Mejtie dihte edtja permaneente øørnege sjidtedh. Generale tjaelije, Saemien gærhkoeraeresne Tore Johnsen, håhkoem åtna.

Tore Johnsen, generalsekretær i Samisk kirkeråd

Generale tjaelije, Saemien gærhkoe raeresne Tore Johnsen

Foto: Berit Nystad / NRK

– Nemhtie vïenhtebe. Raeriestamme daan bijre, joekoen barkoem åarjelsaemien gærhkoejieleme dorjeme, jeahta Johnsen.

Saemien Åålmege, pryøve øørnege, jaepien 2009 raajeste orreme. Daelie edtja Saemien gærhkoeraerie raarastalledh jih nænnoestidh jis edtjieh daam aamhtsem, Gærhkoe tjåanghkose seedtedh mij lea voerhtjen asken jaepien 2015.

Åarjel saemien gærhkoejielemem øøvtiedamme.

Saemien Åålmege, joekoen laakan daam åarjelsaemien gærhkoejielemem øøvtiedamme jeahta Johnsen.

– Dah minngemes 20 luhkie jaepieh joekoen laakan ,daan åarjelsaemien gærhkoejielemen åvteste barkeme.

Minngie-geatjan, edtja Gærhkoe tjåanghkoe daan bijre nænnoestidh.