Kulturministtar Trond Giske lea šaddan dovddusin ollugiidda go johtá festiválas nubbái. Dábálaččat leage son gii almmolaččat rahpá riemuid duoppe ja dáppe.
Almmatge eai nu galle sámi festivála leat lihkostuvvan oažžut su iežaset guossin.
Dál lea Riddu Riđđu Gáivuonas lihkostuvvat oažžut su guossái.
Miellagiddevaš prográmma
Dá lea kulturministara prográmma dán duorastaga:
14.00 - Dáddačájáhus "I love Gáivuotna"
15.30 - Vuosttaščájáhus, Herborg Rundberg, klaverkonsearta
16.00 - Seminára: Sáhttágo kultuvra hugset davveguovlluid?
18.00 - 17. Riddu Riđu rahpan kulturministara Trond Giske bokte
20.00 - Riddu Násttit: Gilvu nuorra sápmelaš lohpádusaide (taleanttaide)
22.00 - Nuoraidkonsearta:
- Undefined
- Lamestein
- Hard Rain
- Cyaneed
- rOlFfa
Riddu Násttit
Riddu Násttit lea gilvu nuorra sápmelaš lohpádusaide. Gilvvu lágidit Riddu Riđđu ovttas NRK Sámi Radioin. Vuoitun lea 25.000 ruvdnosaš stipeanda.
Vuoiti mearriduvvo sms-jienasteami bokte festiválabáikkis.
Dát leat beassan loahppagilvvuide:
Alit Boazu
Molsaeavttolaš rock. Joavkkus leat Halvard Rundberg, Herman Rundberg, Øysten Karlsen, Ørjan Garfjell, Rolf Mienna ja Magnus Tornensis.
Concrete Crew
Ráppen. Joavkkus leat Ragnar Reiersen, Mats Ivan Larsen, Eivind Mikkelsen ja Aleksander Uteng.
Janne ja Mikkel
Šuoŋalaš poplávlagat. Joavkkus leaba Janne Eilen Mienna Guttorm ja Mikkel Rasmus Logje.
Johtu
Dánsen- ja juoigančájáhus. Mielde leat Elle Soffe Henriksen, Hanne Olsen, Live Johannesen, Hanna Moen, Hanne Øygard, Inger Berit Gaup ja Ole Johan Gaup.
Loga maiddái:
