Čájáhusas leat govvadáidagat, dáiddaduojit ja duojit. Ja dálkkádat lea áigeguovdilis fáddá man sáhttá lahkanit iešguđetge láhkai.
Jorbadas námmečorvviin gitta
Leat oalle olu dáiddárat geat leat searvan dán čájáhussii. Earret eará lea Aslaug Juliussen dáidda oalle erenoamaš, dát lei dáidda masa mu čalmmit dalán darvánedje go čakŋalin čájáhuslatnjii.
Ruhtašlanttit dáiddan
Maiddái Elli Novvale daidda darveha mu, son lea ovddeš ruhtašlánttiiguin hápmen gova.
Nađđon nuppi beallái
AnneLise Josefsena dáidda lea guovdpo láhtti. Dás sáhttá dulkut juohkehaš maid oaidná. Leago son dát nu ahte olbmot leat nađđugoahttán, mas bat sii ballet. Dát lea maid mun oainnán, soittet earát dulkut dán áibba earraláhkai.
Rabas geassebotta
Sámi Dáiddaguovddáža beaivválaš jođiheaddji Ánne Rávdna Gaup muitala čájáhusa fáddán leat dálkkádaga, muhto dálkkádaga sáhttá dulkut máŋgga láhkai. Son bovde olbmuid boahttit geahččat mo sámi dáiddárat dulkot dálkkádaga.
Čájáhus bistá borgemánu 8. beaivái 2007.