Elin Oskal (25) la ådå sáme BlimE-artissta

Elin Oskal duodaj diehtá gåktu l ietjas ålggolahán dåbddåt. Danen la sierralágásj tjaŋgas bessat oassálasstet prosjevtan BlimE, gånnå aktisasjvuohta ja sebrudahttem tjalmostuvvá.

Elin Oskal under opptak av musikkvideo - BlimE! 2021

MUSIHKKAVIDEO: Dánna l Elin filmmigoahtám musihkkavideoav BlimE-lávllagij 2021.

Foto: Anna Tollan / NRK

Les på norsk.

Artissta ja Jikŋon-oavdástalle Elin Kristina Oskal Sáltoduoddaris Nordlándas la jiedna dán jagásj sáme versjåvnån dán prosjevtan.

Sån miedet sån la mælggadav sávvam rållav oadtjot BlimE-artisstan.

– Gå gatjáduvviv sæbrrat, de sjaddiv diedon riek måvtugis. Dat lij vehi iehpedádjadahtte, subtsas sån.

Elin Kristina Oskal, i opptak for BlimE!-sang 2021.

BUORRE GAL: BlimE-konsæppta ulmutjij subtsas dån la buorre jur gåk la.

Foto: Privat

BlimE la NRK Supera nasjåvnålasj ratjástibme aktisasjvuoda diehti ja givsedime vuosstáj.

Aktak i galga ålgoduvvat

Anna Tollan la sáme versåvnå prosjæktajådediddje. Sån subtsas ulmme BlimEajn la vuosedit divna li niddo buorre ja sierralágátja, ja aktak i galga ålgoduvvat.

Konsæppta l nav vaj divna máná Vuonan galggi aktisattjat dánsav ja lávllagav oahppat mij aktisasjvuodav gaskos.

– Jus vuojná soames la ålggolahán, de máhtá lávllagav jali dánsav doajmman adnet divnajt sebrudahtátjit,diedet Tollan.

Ávvo, lávla ja dánssa

Åvdep jage BlimE ásaduváj lågåt bále, ja dalllutjis sjattaj rijkajgasskasasj.

Lassen lij vuostasj bále dát populære konsæppta sábmáj bådij, Vegard Bjørsmoan artisstan.

Vegard Bjørsmo viser frem Karasjok

MAŊEP JAGE LÁVLA: Maŋep jage Vegard Bjørsmo lávloj BlimE-lávllagav "Oainnán du", mij dárogiellaj la "Ser deg". Dárogielversåjvnnå Victor Sotberg lávloj.

Foto: Nils John Porsanger / NRK

Tollana milta galggá BlimE juohkka jage givsedibmáj tjalmostit, ja divnajt mujttádahttet sebrudahttem la ájnas.

Dat mij la buorre le gå ávvo, lávla ja dánsa baktu dagáduvvá.

– Vájbi álkkep la dav mujttet gå la dan dille sinna soames ålgoduvvá, javllá Tollan.

Vuojnnám gåk vájkkut

Elin Oskala mielas BlimE la buorre konsæppta mij ájnas sisanov åvdet. Sån la iesj ájttsam makkir vájkkudus la mánájda ja nuorajda.

– Mån lav skåvlån guokta jage barggam ja lav nav ålov BlimE-lávllagij birra gullam, ja oahppijn vuojnnám gåk dat sijáv vájkkut.

Elin Kristina Oskal under opptak av BlimE-sangen 2021

ÁVKKEN: Bargo tjadá skåvlån Elin la vuojnnám BlimE-kampánnja doajmmá.

Foto: Privat

Oskal la vásedam máná li aktan lávllum ja dánssam, ja dassta de buorre aktisasjvuohta ásaduvvá.

– Muv mielas la riek ájnas ja riek fijnna vásádus. Ja gå mån bessav liehket dat artissta dán jagá dat la riek stuorra guddne munji, javllá Oskal.

Dåbddåt ietjas ietjálágátjin

Bajássjattadattijn lij Elin Oskal ájnná sáme oahppe klássan, ja ájnná oahppe ællosujtofámiljas. Dat dagáj vaj sån soames bále dåbdåj ietjas vehik ålggolahán.

– Mån jáhkáv divna li dav soames bále vásedam, unnán ietjálágátjin liehket, jali vehi aktu, jali vehi unnogis, tjuottjot Oskal.

Suv mielas konsæppta dagu BlimE luluj liehket stuorra viehkken sunji mánnán. Danen la sierralágásj mávsulasj prosjæktaj oassálasstet.

– Ájnnasamos máná lavllagij, dánssaj ja musihkkavideoj lijkkuji. Dat la má mánájda, javllá Oskal.

Elin Oskal under opptak av musikkvideo - BlimE 2021

MIELOS: Elin jáhká BlimE-konseptan la buorre vájkkudus. Ávujn vuorddá lávlla ja ja musihkkavideo almoduvvá.

Foto: Anna Tollan / NRK

Riekta válljim

Dán jagásj sáme artissta lij buorre mærrádus BlimEaj, tjuottjot prosjæktajådediddje.

– Elinin li da sæmmi árvo dagu BlimE. Besa gal liehket guhti le. Niddo liehket ij la juoga massta galga givseduvvat, dættot Tollan.

Tollan tjielggi Elinin iesj li vásádusá gåktu ietjálágátjin dåbddåt nav vaj sån dan diehti dåbddå BlimEa ulmev sierralágásj ájnnasin.

– Tjielggasit dat lávllagin gullu, ja gåktu sån barggá, tjielggi Tollan.

Dán jagásj Vuona artissta l Nicolay Ramm, guhti Oskala láhkáj galggá musihkkavideoj sæbrrat dán jagásj lávllaginm.

Musihkkavideo ja lávla almoduvvá bårggemáno 13. biejve.

Korte nyheter

  • Paracetamola ja áhpehis nissonat

    Dutkan čájeha ahte dálkasat main lea paracetamol ii heive geavahit go lea áhpeheapme go sáhttá čuohcat máná ahtanuššamii. Ođđa rápportas čuožžu earret eará ahte áhpehis nissonat galggašit geavahit paracetamola dušše jus leat buori medisiinalaš sivat dasa ja ovttasráđiin doaktáriin. Ođđa dutkan lea riikkaidgaskasaš ovttasbargu ja dutkit leat ovttas guorahallan ja analyseren dieđuid mat leat 25 jagis čoggon.

    – Dutkan iešguđetge riikain čájeha ahte sáhttá leat čanus gaskal alla paracetamol geavaheamis ja váttuin mat mánáin šaddet eatniheakkas. Nu dadjá prošeavtta jođiheaddji, David Møbjerg Kristensen preassadieđáhusas.

    David Møbjerg Kristensen
    Foto: Rigshospitalet, København
  • Mortensson Raasten Rastah festválii

    Plassjes Mátta-Sámis leat ráhkkaneamen lágidit logát rájáhis Raasten Rastah festivála. Dán jagi prográmmas leat dáhpáhusat, bargobájit ja aktivitehtat mánáide, nuoraide ja ollesolbmuide. Festiválas čuojahit ISÁK joavku ja Marja Mortensson ovttas Kringkastingsorkesteran. Nuoraidkonsearttas čuojaha Article 3 joavku. Raasten Rastah festivála lágiduvvo čakčamánu 30. beaivvis golggotmánu 3. beaivái, čállá Raasten Rastah neahttasiiddus.

    Toppen av hodene til kinotittere på åpningen av Raasten rastah filmh.
    Foto: Emmi Alette Danielsen / nrk
  • Besset válljet boahkuid

    Norgga álbmot beassá dál válljet guđe boahkuid bijahit, go lea doarvái boahkut, nu dieđiha Álbmotdearvvašvuođainstituhtta preassadieđáhusas.

    –– Vaikke lea seamma bures suodjaluvvon go seaguha boahkuid, de diehtit ahte muhtumat háliidit boahkuhuvvot seamma boahkuiguin guktuid háviid. Dál go mis lea doarvái sihke Pfizer ja Moderna boahkut de sáhttet gielddat fállat álbmogii daid boahkuid maid sihtet, lohká Álbmotdearvvašvuođainstituhta veahkkedirektevra Geir Bukholm.

    Vaksinering Eikefjord barne- og ungdomsskule.
    Foto: Nils Ole Refvik / NRK