NRK Meny
Normal

Dahká ståhpegálvojt sáme hámijn

Måttijt jagijt la sån ájádallam ietjas viddnudagáv Murkosin Nordlándan ásadit. Vijmak la dav dahkam, ja dálla ietjas viddnudagáv jådet. –Duosstel, javllá Duodjeinstituhta direktørra.

Gründer Geir Anders Berg

Árbbedábálasj duodje la aj oasse Alva Form AS, Geir Anders Berga viddnudagás.

Foto: Sander Andersen / NRK

Geir Anders Berg viser frem en plate som kan bli til et bord

– Dán muoras máhtáv bievdev dahkat, javllá Geir Anders Berg gå NRK suv guossit, ja vuoset assás muorav luondulasj hámij.

Vijmak la sån jådon, ietjas ådå viddnudagájn mij ulmijt la ietjas hábbmidum gálvojt buvtadit bájkálasj ja birásvuogas ábnnasijs. Duodden dal aj åvddånbuktemvuohke gånnå sámij duodje vuodon la.

– Jus ep duosta, de ij mige sjatta

Direktør ved Duodjeinstituttet, Inga Hermansen Hætta åpnet verkstedet

Duodjeinstituhta direktørra, Inga Hermansen Hætta viddnudagáv rabáj.

Foto: Sander Andersen / NRK

Vásse vahko viddnudagáv rabáj. Råhtto lij gal biejvijt åvddåla, valla vijmak biejvve ållånij. Ja sujna gejna lij guddne dáv viddnudagáv rahpat, suv mielas la gründer duosstel.

– Duodjára dárbahi sajev gånnå barggat. Muv mielas la sån duosstel. Valla jus ep duosta, de ij mige sjatta, javllá Duodjeinstituhta direktørra, Inga Hermansen Hætta.

Ja gründer iesj surrá gåktu suv buvta vuosstáj váldeduvvi.

– Galgav nehta baktu vuobddet, duodden oassásijn ja ietjá sajij, javllá Geir Anders Berg.