NRK Meny
Normal

– Áibbas buorre ovttas bivdit

Nu illuda Unjárgga guolástansearvvi jođiheaddji Torbjørn Johansen go ođđa árvalusa mielde galget vuotnabivdit geain lea fanas vuollil 11 mehtera guhkku, beassat ovttas bivdit máŋga fatnasa dorskeeari.

Torbjørn Johansen, Nesseby
Foto: Nils Henrik Måsø / NRK

Buoreda sihkarvuođa

Fiskeribladet, Fiskaren, dat čállá ahte maiddái smávimus vuotnafatnasiiguin galggašii beassat bivdit máŋga dorskeeari, iige dušše ovtta nugo dál. Sivvan árvalussii lea heajos dorskehaddi ja oppalohkái heajos dilli guolleindustrijas. Árvalus nanneši sihke guolásteaddjiid ruhtadili ja bivdiid sihkkarvuođa. Dasa lassin unnošedje golut. Guolásteaddji ii dárbbaš dalle bálkáhit bargi mielde, go besset ovttasráđiid bivdit.

GULDAL: Oktasaš bivdu
Torbjørn Johansenis lea buorre doaivva ahte árvalus šaddá bistevaš ja ahte maiddái smávva vuotnafatnasat beasašedje čohkket máŋŋgaid eriid ovtta fatnasii, nugo stuorát bivdofatnasat ge besset dahkat otne.

Máŋga fatnasa


- Otne lea ollusat oastán moadde fatnasa, dušše dan dihte go bivdovuoigatvuođat čuvvot fatnasa. Dáinna árvalusain besset de vuovdit dan nuppi fatnasa ja čohkket guktui bivdovuoigatvuođaid ja erriid ovtta fatnasii, lohká Johansen