- PÅ NORSK:
- Eará máidanat ja muitalusat:
(Muitaleaddji: Elle Marja Turi Gaup)
Juo, ná mun ledjen boarráseamos mánná min bearrašis ja dat lei goit nu ahte eadni galggai oažžot dan nuoramus máná. Son lea vihttanuppelotjagi mus nuorat. Ja áhčči dieđus manai herggiiguin, vuoddjái viežžat jortamora (sealgeeatni) Guovdageainnus.
Muhto eadni lohká son šattai nu buohcci, viečča dal Elle Rávnna, dan ránnjá áhku. Ja dat lei jo oalle maŋŋii eahket, doppe logi-áigi. Ja Ánne-oabbá vulggii olmmájin ja de moai viehkaleimme. Hirbmat seavdnjat ja moai bođiime dál dan ránnjádállui ja dain lei diekkár geavja: Nie bonjastit, muorrá lea siskkobealde. Dat dat gal ledje jo nohkkame, nuoladeame nu go dáluolbmot lávejit jo: Nuoladit go nohkket.
Ja mun dieđus logan ahte eadni lea sihtan dál du viežžat. Lohka manne vel su ges? Dat dat hal ii leat gal sihtan su viežžat. De gal dat isit nu hirbmadit čergii:
“Ná ammat don dan gulat juo! Ferte beare viehkalit ja skárriid dohppet mielde!”
Ja dat dat gal de dohppii skárriid - ja juoga mii leaččai dakkár diŋga - ja mii viehkaleimmet. Nu mannat dál dohko hirbmat fárttain/leahtuin, dieđusge.
Ja mii dat gal olliimet dal dohko ja eadni gal lei juo... juo boahtime dat mánná. Dat áhkku sihtá mu boahtit veahkkin. Na, mun ferten ja gal dat gal orui oba issoras. Ná, mun gal nu... munnje lei dat gal nu máilmmi ártet. Ja dat munnje doppe (dadjá)... ahte mun galggan doallat dan njuoska máná!
Muhto bures dat manai. Eadni lohká ii dál leat mihkke heđiid. Dál manná nu bures visot. Dál ii dárbbat heahtáduddát. Ja láven jurddašit, láve leat máilmmi issoras go gulan olbmot mánáid galget oažžut. Dat gal lei nu issoras ahte.... dat lei oba guhká. Vissa measta (goasi) gitta dassái go ieš ožžon mánáid.
Ja de bođii dieđus dat jortamora (sealgeeadni) ja mii dat leimmet jo bassan máná ja ordnen, stellen/dikšon ja čáziid hirbmadit liggen. Ja dat-dat gal de olliiga. Ja dat lei vel dalle ođđabeai`-ruohttaeahket ja dalle lávii vel nie... galggašii ahte nyttårsbarna/ođđabeai`-mánná oažžut juoidá skeaŋkka. Ja dat lei hui lahka guoktenuppelogi, muhto ii dat goit bidjan nu dat jortamora (sealgeadni).
Ii dat gal dieđus sáhte go ii leat, go juo lei ovdal šaddan, de lei šaddan ovdal. Ja de dat gal manai nu bures ahte, orui nu somá go mii oaččuimet váhkaroappá dál.