PÅ NORSK:
(Muitaleaddji: Káren Máret Paulsen)
Mun áiggun juoiggastit iežan áhččerohki. Dat lei dat vuosttaš gii ásai deike Jergulii. Gohčodedje dan Hánsut-Lemehin, go dat boahtá doppe Porsaŋggus, Stabbursnes`sas. Doppe lea son šaddan bajás ja de dat barggai bohccuiguin. Reŋgui badjeolbmuid maŋŋil ja de doppe vulggii, manai Buolbmágii ja sus lei eamit doppe. Ja válddii eamida ja buvttii deike Jergulii. Ja dat heittii dainna bohccuiguin – ealuin ja das lei okta heargi mii lei hui divrras sutnje. Lei čuvges čuoivvat. Dat álggiiba šibihiiguin dáppe Jergulis ja dat barggai daid eatnamiiguin dáppe Jergulis dan mađe ahte sáhtiiba šibitealu biebmat dáppe. Ja nie de lea dat, mun dál juoiggastan dál...
Helalela, lolololoj...
Ejolalejololololoo...
De jo lei dat Hánsut-Lemet...
Dat min juoiggadan jo-loloo...
Iežan áhččerohke lei jo loloo...
Lolalalejololololo...
Elalelela, jolololoo...
Elallelajolololoo...
Ja lea dat Lemet, Lemet, Hánsut-Lemet...
Jogojo,lelelolololoo...
Lelalela, go jolololoo...
Golalela, jololololoo...
Nie de lea dat. Klemet Hansen gohčodedje su. Ja sus lea bárdni, boarráseamos bárdni mas lea Lemet namma ja das lea – ja dat lea, ja fas lea mu vielljas, Lemet-Áilu lea das fas namma. Dat leat golbma Lemeha ja de lea boarráseamos mánáidmánná mas lea Lemet namma. Dat lea ožžon áddjá luođis, váldon dasa. Ja de dat lea ná:
Lulde, dat lulde dat lulde dat joo...
Lelelelejo, dan lei joo...
Lemet-Áillu, gojololololoo...
Oslo gáhtaid mielde, dat jo loo...
Lulde, dat lulde, dat jo lea...
Lolago, lelagojoleloloo...
