Evttohat ahte guldalat muitalusaid, go leat báikkiin, gosa muitalusat gullet, dahje go dušše jurdagis mátkkoštat. Muitalusaid sáhtát gullat sihke dárogillii ja davvisámegillii.
Sámegielaoahpahusas
Sivvan dasago leat válljen teavsttaid almmuhit lea datgo háliidat ahte skuvllat ja earát galget sáhttit atnit muitalusaid sámegiel`-oahpahusas: Sáhtát mánusiid lohkat seammásgo guldalat muitalusaid sámegillii ja de maŋŋel guldalit seamma muitalusaid dárogillii, jos it dieđe ahte ipmirditgo buot. Neahttabáikkis nrk.no/sapmi gávnnat dasalassin čujuhusaid buriid sátnegirjjiide neahtas. Ávžžuhat ahte olbmot, geat atnet neahttabáikki dása, maid vieččaše appa, vai besset sámegiela oahppat vaikko gos.
Mánáide ja boarrásiidda
Dát neahttabáiki gos dál leat: nrk.no/jođi, lea maid oaivvilduvvon boarrásiidda ja earáide, geain ii leat ođđamállet telefuvdna. Dáppe besset buohkat guldalit seamma muitalusaid, go appas. Ávžžuhat goitge buohkaid, geain lea ođđamállet telefuvdna, viežžat appa, dannego oassi vásáhusas lea dat ahte gullat muitalusaid báikkiid birra gos lea. Appa doaibmá nu ahte viežžá muitalusaid 200 gilomettara guovllus birra du ja de muitala ahte leago appas muitalus jur dan báikkis, gos leat dál.
Namma NRK Jođi
Sámegillii dadjat mii ahte: "Jođi lea lea buoretgo oru" (mii lea justte nuppeládje, go máid dárogillii dadjet: "Borte bra men hjemme best", mii mearkkaša ahte oru lea buoretgo jođi). Danne leat mii válljen nama NRK Jođi, mii mearkkaša ahte dát lea appa, mii heive buresgo lea jođi.
Áiggi mielde bohtet vel máŋgačuođi muitalusa sihke dán neahttasiidui máid dál oainnát ja appii. Min buoremus diehtu dan birra ahte dárbbaša go ja háliidago Sápmi dákkár fálaldagaid lea ahte olbmot geavahit daid ja vižžet NRK Jođi namat appa.