Nissonsearvi: – Geassit Buffy bálkkašumi ruovttoluotta
Kanádas eamiálbmot nissoniid searvi, Indigenous Women's Collective, gáibida ahte Buffy Sainte-Marie Juno 2018 gesso bálkkašupmi ruovttoluotta CBC tv-dokumentára maŋŋá, čállá neahttasiidu webtimes.
Buffy Sainte-Marie lea máilmmi dovddus eamiálbmot artista guhte maiddái lea ožžon Juno bálkkašumi musihkas ovddas 2018:s.
Dokumentára lea guorahallan su duogáža ja oaivvilda ahte artista lea gielistan, ii ge leat ge eamiálbmot.
Nissonsearvi dadjá ahte Buffy Sainte-Marie lea fastit dájuhan olbmuid. Giellásat ledje sutnje ávkin. Son lea dájuhan duháhiid mielde eamiálbmot nuoraid, rávis olbmuid, ja buot vearrámus, daid geat leat birgehan heakka kolonialiserema čađa, čállá Indigenous Women's Collective X dieđiheami bokte.