NRK Meny

Uro også etter Høie-besøket

Ikkje alle slår seg til ro med at det er ope kva som skjer med akuttkirurgien ved sjukehuset i Volda. Besøket frå helseminister Bent Høie roa ikkje alle.

Helseminister Bent Høie i Volda

Bent Høie gav ingen lovnader om å bevare akuttkirurgien då han besøkte Volda.

Foto: Trond Vestre

Artikkelen er mer enn ett år gammel.

I forslaget til den nasjonale helse- og sjukehusplanen er Volda eitt av fem sjukehus som kan miste akuttkirurgien. Men då helseminister Bent Høie besøkte Volda i går, var bodskapen at det ikkje er tatt noko avgjerd. Dei sjukehustilsette var likevel skuffa, og meinte at Høie ikkje svarte på spørsmåla han fekk, og at dei talte for døve øyre.

Demokratisk prosess

– Det er opp til oss sjølve å finne gode argument både med tanke på pasientane sitt beste og med tanke på beredskapen. Så må vi synleggjere dette for statsråden og departementet, seier helseministerens partifelle, Høgre-ordførar Anders Riise frå Hareid.

Riise set dermed sin lit den lokale- og demokratiske prosessen som Høie lovar skal vere gjennomført før ei avgjerd blir tatt.

Tidlegare Volda-ordførar Arild Iversen

Tidlegare Volda-ordførar Arild Iversen frå KrF let seg ikkje roe av besøket.

Foto: Trond Vestre / NRK

Tidlegare Volda-ordførar Arild Iversen frå KrF er derimot kkje rolegare etter besøket, trass i at statsråden lovar å lytte til dei argumenta som kjem.

– Ut i frå kva Høie har sagt om Nasjonal helse- og sjukehusplan er eg framleis uroleg. Der står Volda i fare for å miste akuttkirurgien, og det forslaget står framleis ved lag.

Siste video/lyd

Sterk auke i transporten av gass med tankbil på strekninga Aure-Kristiansund gjer at ferjepassasjerane ikkje lenger stoler på at dei kjem fram når dei skal. Ordføraren i Aure gir fylkeskommunen skulda.
Far og son måtte begge hoppe på sjøen då ein fritidsbåt starta å brenne utenfor Alnes i Giske i dag tidleg. Politiet skryt av måten dei handla på.
I Molde fryktar trafikantar kaotiske forhold når Frænavegen i dag vart stengt for 6 veker. Årsaka til stenginga er at gamle vassrøyr må skiftast ut. Vegen er gjennomfartsåra til Molde og ein av dei mest trafikkerte.