Unge med demens har fått bufellesskap i Molde

Avdelinga har eigne leilegheiter for denne gruppa på Råkhaugen omsorgssenter i Molde. Einingsleiar ved omsorgssenteret, Kristin Eidem, meiner det er svært viktig å også kunne gi eit tilbod til dei pasientane som rammast tidleg av demenssjukdomen.

– Bakgrunnen for dette prosjektet er at vi ynskja å kunne skape eit tilbod for dei yngre pasientane med demens. Du har andre interesser når du er 30 enn når du er 90 år, seier Eide.

• Les også: Teater mot demens

Har vore eit behov

Marit Hoemsnes Angen, styremedlem i Molde og omeng demensforeining tykkjer det er vedlig positivt at Molde kommune no har utvida tilbodet for personar med demens.

– Dette sett vi veldig stor pris på for vi veit at det er mange personar med demens og pårørande som har eit behov for slike tenester, seier ho.

Dei fire fyrste har allereie flytta inn og seks tilsette skal gje dei tryggleik. Angen trur at enno fleire vil nytte seg av tilbodet når det blir betre kjendt i Molde.

– Det er fantastisk at vi har fått eit slik tilbod, og eg er veldig stolt av Molde kommune for at vi no er i gong med eit større tilbod, seier ho.

• Les også: Molde tester overvåking av demente