Det er formiddag i Molde, og berre minutt før den daglege gateparaden skal ta av frå den vestlege delen av Storgata i Molde. I den vakre Alexandra-parken sit eit godt vaksent par og deler minner frå tidlegare jazzfestivalar.
– Vi har vore her i regn og vi har vore her i solskin. Det har vore «wunderbar» kvar einaste gong. Og vi kjem alltid tilbake, seier Otto Schneider og smiler til kona.
- Les også:
Kjem kvart år i veke 29
Det er mange som har som fast tradisjon å legge turen til Molde kvart år i veke 29. Dette er alltid veka for Moldejazz. Fleire gonger er denne veka blitt utropt til «den beste veka i året», i alle fall blant dei entusiastiske Moldejazz-tilhengarane.
Men det er slett ikkje alle av dei trufaste besøkjande som reiser like langt som Christel og Otto Schneider.
– Vi kjem hit kvar sommar. Vi er mykje i Eresfjord og likar oss godt i Eikesdalen. Og så får vi med oss jazzfestivalen kvart einaste år, seier Christel Schneider.
- Les også:
- Les også:
Imponert over dugnadsånda
Det er ikkje berre naturen og musikken som imponerer det tyske ekteparet. Dei har lagt merke til den store innsatsen til frivillige.
– Vi ser at det kjem mange menneske hit som arbeider og står på utan å få pengar for det. Dei hjelper til og lagar denne flotte festivalen heilt frivillig og utan løn. Denne måten å få arrangert ein festival som dette på er kanskje det som imponerer meg aller mest, seier Otto Schneider.
– Sør-amerikansk jazz er favoritten
Eresfjord er den faste sommarbasen til det tyske ekteparet. Dei elskar den vakre naturen og jazzmusikken ligg Otto sitt hjarte nær.
– Vi har høyrt så mykje flott musikk her opp gjennom åra. Det er vanskeleg å trekkjer fram enkeltkonsertar. Her har vore flotte, unge artistar her i Alexandraparken. Vi har hatt store opplevingar på seine kveldar både ute og inne, seier dei to, og legg til at favorittjazzen er god, gammal søramerikansk og helst cubansk jazz.
