Nærare 400 ungdomar frå heile fylket er denne helga samla i Fosnavåg til fylkesmønstring i UKM. I samband med dette markerast 30 års jubileet til UKM med ein stor konsert laurdag kveld.
Det som starta som eit musikkarrangement i 1985 har utvikla seg til å bli den breiaste kulturarenaene for unge i dag.
– Ettersom UKM fyller år i år, følte vi det var på plass med ein skikkeleg jubileumskonsert, seier Else Marie Outzen, fylkeskontakt i UKM Møre og Romsdal.
Sjå fleire bilete lenger nede i saka.
- Les også:
UKM gjennom 30 år
Gjennom årlege mønstringar, har unge kulturtalent frå heile landet fått ein profesjonell arena for sine uttrykk.
30 år med UKM var samla på scena.
Foto: silje bjerknes / nrkMange av våre nasjonale artistar og kunstnarar har delteke på UKM i løpet av ungdomstida si.
Denne helga samla deltakarar frå UKM gjennom 30 år seg til jubileumskonsert i Fosnavåg konserthus.
– UKM har vore ein viktig arena for ungdomar i ei årrekke. Vi hadde difor lyst å samle både fortid, notid og framtid på den same scena, seier Outzen.
- Les også:
Første fylkesmønstringa i Molde
På konserten stod mellom anna Kåre Nymark, Kenneth Ekornes og deltakarar frå kommune- og fylkesmønstringa i UKM.
Terje Måseidvåg deltok på den første fylkesmønstringa som vart arrangert i Molde i 1985.
Foto: silje bjerknes / nrkPå scena stod også ein deltakar som var med då den første fylkesmønstringa vart arrangert i Molde i 1985.
Som 13-åring gjekk Terje Måseidvåg og hardingfela hans vidare til landsfinalen i den populære kulturmønstringa.
– Det var ganske stort for ein ung gut å vere med på noko sant, fortel han og mimrar tilbake.
Han syntest det var artig og igjen kunne stå på scena under eit UKM-arrangement.
– UKM gir ungdomar den inspirasjonen dei treng for å halde fram med talenta sine. Det har utvikla seg til å bli eit ganske stort arrangement i løpet av åra, seier Måseidvåg.
– Det var veldig mykje mindre i mi tid, men det er berre positivt for ungdomane at dei har dette tilbodet, held han fram.
- Les også:
- Les også: