NRK Meny

Noregs største satsing på ungdomskultur

Ungdomens kulturmønstring (UKM) feirar 30 år i år. Sidan starten i 1985 har arrangementet utvikla seg til å bli ein viktig del av norsk kulturliv.

UKM Møre og Romsdal 2015

Ungdomens Kulturmønstring har blitt eit av landet sine største kulturarrangement for ungdom. I år feirar dei 30 år.

Foto: silje bjerknes / nrk

Artikkelen er mer enn to år gammel.

Gjennom årlege mønstringar, har unge kulturtalent frå heile landet fått ein profesjonell arena for sine uttrykk. Denne helga arrangerast det fylkesmønstring i totalt ti av landets fylke, frå Troms i nord, til Østfold i sør.

Ålesundsjenta Sigrid Raabe er ein av mange norske artistar og kunstnarar som har delteke på UKM i løpet av ungdomstida si.

– Det er veldig viktig for kulturlivet å ha eit arrangement der unge kan vise fram talenta sine, og der fokuset er på talentet til deltakaren, og ikkje alt det andre rundt, seier ho.

– UKM har betydd mykje

Sigrid Raabe

Artist Sigrid Raabe meiner UKM er viktig for norsk kulturliv.

Foto: Remi Sagen / NRK

Raabe meiner UKM gir ungdomar på tvers av landet ei unik moglegheit til å vise kva dei kan.

– Opplegget er proft og deltakarane får stå på scena framfor ein full sal og vise fram det dei har øvd på lenge, seier ho.

For Raabe har UKM betydd mykje.

– Når eg var yngre hadde eg alvorleg sceneskrekk. UKM gav meg moglegheita til å prøve meg fram og bli tryggare på meg sjølv, seier ho.

Inkluderande arrangement

Det som starta som eit musikkarrangement i 1985 har utvikla seg til å bli eit av dei breiaste kulturarenaene for unge i dag.

Kunstutstilling UKM Møre og romsdal 15

Visuell kunst er ein viktig del av UKM.

Foto: Silje Bjerknes / nrk

Kunstnarar, forfattarar, dansarar, musikarar, fotografar og mange andre talent samlar seg kvart år for å delta på UKM.

Raabe trur arrangement som UKM er spesielt viktig innanfor dei formane av kultur som ikkje er så store.

– Det er nesten ingen grenser for kva ein kan delta med, og det opnar opp for kulturinnslag som kanskje ikkje er så utbreidd, seier Raabe.

Talentskule

Ordførar i Herøy, Arnulf Goksøyr, fekk æra av å opne fylkesmønstringa i Møre og Romsdal.

Else Marie Outzen

Else Marie Outzen meiner UKM gir ungdom ein god kulturarena.

Foto: silje bjerknes / nrk

Han meiner at UKM, saman med kulturskulane, bidreg til å skape eit miljø der unge kan utvikle seg sjølv og talenta sine.

– Mange av desse ungdomane går vidare til å gjere det bra både lokalt og utanfor fylkesgrensene, seier Giksøyr.

Dette er ein talentskule som forsyner heile landet med flinke folk, held han fram.

Else Marie Outzen, fylkeskontakt i UKM Møre og Romsdal, meiner mønstringa er eit viktig tiltak for å gi ungdom ein god kulturarena.

– UKM gir ungdomane sjølvtillit og støtte til å presentere kulturelle bidrag. Alle er velkomne, uansett talent eller interesse, seier ho.

  • Sjå Sigrid Raabe spele live her:
Sigrid Raabe hos Christine

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.