– Det er kanskje «amatørar» som held på med dette, men resultatet var absolutt ikkje amatørmessig, seier Gard Mek i Møre og Romsdal Heimebryggarlaug.
Fredag kveld stilte 17 heimebryggeri frå heile Møre og Romsdal med 21 ulike brygg til smakskonkurranse i Ålesund.
– Bak kvart bryggeri står det folk som gjer dette på hobbybasis. Dette er glade amatørar som bryggar øl heime i kjellarar og garasjar, seier Mek.
- Les også:
Proffe «amatørar»
Trass i at alle deltakarane berre brygger øl på hobbybasis var det likevel eit alvorspreg over konkurransen.
Ålesund brygghus var vinnar av publikumsprisen. Her saman med. nestleiar i bryggelauget Terje Pedersen og Gard Mek heilt til høgre.
Foto: Gard MekProfilerte personar frå kjende bryggeri som 7 Fjell bryggeri i Bergen, Austmann bryggeri i Trondheim, Tonga gardsbryggeri i Norddal og Grim & Gryt Økobryggeri i Hareid stilte som dommarar i dommarkonkurransen. Her var det Olsvika bryggeri som gjekk av med sigeren. Publikumsprisen gjekk til Ålesund brygghus.
Mek var imponert over det høge nivået blant heimebryggarane som stilte til konkurransen.
– Eg smakte ikkje eit einaste dårleg brygg, nivået var skyhøgt, seier han.
- Les også:
Stort engasjement
Møre og Romsdal Heimebryggarlaug starta opp i fjor og har no rundt 180 aktive medlem. Interessa er stigane, fortel Mek.
Olsvik bryggeri blei vinnaren av dommarkonkurransen.
Foto: Gard Mek– Vi har hatt ein fantastisk vekst og er no dobbelt så mange som vi var i fjor. Det er eit utruleg stort engasjement rundt om kring i fylket, seier han.
Mek fortel at sosiale samlingar som konkurransen i går er viktige for Heimebryggarlauget.
– Det gir oss ein arena der vi kan møtast, prate og dele erfaringar med kvarandre. Miljøet er stort her i fylket og det er framleis i vekst, seier han.
- Les også:
- Les også:
