Kritikk mot Haaland-is: – Stikk motsett av det han står for sjølv

– Haaland kritiserer sjølv ultraprosessert mat, men låner samstundes andletet sitt til ein is retta mot born, som har over 20 ingrediensar og mykje tilsetningsstoff.

Det seier Kristoffer Gregersen.

Han står bak instagramkontoane «Sulten pappa» og «StyrUnna» som begge fokuserer på reinare og grønare mat.

Det er på sistnemnde konto han kjem med is-kritikk av fotballspelaren.

– Braut Haaland er ein fantastisk fotballspelar, men eg reagerer på at ein person som har så stor påverknad og er eit førebilete for mange born og unge, frontar eit produkt som er stikk motsett av det han står for sjølv.

Si di meining om isen lenger ned i saka.

Les også «Penny­metoden»: Datingtrenden som gjør deg avhengig

Lang liste med ingrediensar

Det Gregersen viser til er at fotballspelaren i den offisielle Manchester City-podkasten fortalde at han styrer unna ultraprosessert mat.

– Eg et mat som er ekte, med så lite ingrediensar som mogleg. Det er så mykje ultraprosesserte mat i denne verda akkurat no, så eg trur det er tingen – å ete ekte mat og med god kvalitet, sjølvsagt, seier Braut Haaland til podkast-verten, omtalt av Aftenposten.

Og Gregersen meiner at Haaland-isen er alt anna enn «ekte».

– Isen har ei lang og vanskeleg liste med over 20 ingrediensar!

Sjølv har han ingen fagleg ernæringsbakgrunn, men ynskjer å opplyse folk om kva maten inneheld.

Les også Fem grep for å få det psykt mye bedre

– Isen har minimalt med ekte varer som til dømes fløyte, så at han i det heile teke kan marknadsførast som ein fløyteis syns eg er rart.

– Men er det så farleg om ein et ein ultraprosessert is i ny og ne?

– Nei, det er det ikkje, men ein veit jo at denne isen kjem til å gå rett heim hos born, og at dei gjerne et mykje is i løpet av våren og sumaren, påpeiker Gregersen.

Far til Erling Braut Haaland, Alfie Haaland, synest ikkje det er noko motstridande i å leve sunt og samstundes fronte iskrem. Les heile svaret frå han nedst i saka.

Må sikre at isen er haldbar

Det er Hennig Olsen Is i Kristiansand som står bak isen og samarbeidet med fotballstjerna.

Dei har følgjande kommentarar som dei ynskjer å formidle via e-post:

– Iskremen, sausen og sjokoladen i Haaland-isen inneheld ulike type råvarer, i tillegg til at det er crispi-kuler på isen. Då blir det mange ingrediensar til slutt, skriv direktør for marknad på iskremfabrikken, Marianne Høy Erikstad.

– Haaland-isen blir marknadsført som ein fløyteis men på ingredienslista står det at han inneheld 15 prosent fløyte, er det då ein fløyteis?

– Andelen fløyte som er merka på emballasjen gjeld for heile isen. Andelen fløyte i sjølve iskremen er på 25 prosent. Det er omtrent dobbelt så mykje fløyte som det som er minstekravet for at ein iskrem skal kunne kallast fløyteiskrem etter europeisk bransjestandard, skriv ho.

Les også Ny studie knytter ultrabehandlet mat til 32 alvorlige helsetilstander

Og når det gjeld talet på tilsettingsstoff skriv fabrikken følgjande:

– For at iskrem skal kunne køyrast ut og seljast over heile Noreg, og ha god kvalitet og at isen er haldbar, må han ha nokon ingrediensar som sikrar dette. Dette gjeld også Haaland-isen.

– Burde bruke påverknadskrafta annleis

Susann Stave har master i ernæring og kjem snart med ei eiga bok som blant anna tek føre seg råvarebasert kosthald og marknadsføring.

– Eg har lagt merke til at Braut Haaland i utgangspunktet er eit godt førebilete fordi han snakkar veldig bra om råvarer.

Les også Åtte år med lovnader om sunnere mat: Mener matbransjen er en fiende av folkehelsa

Ho skulle derimot heller ynskje at han kasta lys over anna type matvarer.

– Braut Haaland burde heller bruke den påverknadskrafta på dei produkta han sjølv ynsker å ete, seier ho.

Og at Braut Haaland når ut til dei unge er ho ikkje i tvil om.

– Eg har snakket med folk som har fortalt at barna er veldig opptekne av å kjøpe denne isen så eg er ganske sikker på at han også kunne fått barn til å ete til dømes meir grønsaker eller andre råvarer, som jo er mykje betre.

– Ikkje ein asket

Far til Erling Braut Haaland, Alfie Haaland, synest ikkje det er noko motstridande i å leve sunt og samstundes fronte iskrem.

Han skriv følgjande i ei tekstmelding:

«Det er ikkje noko motsetnad i det. Trur også dei forstår at ein av og til kan kose seg med ein is. Den er også veldig god. Så er det viktig med eit godt kosthald med reine råvarer til dagleg. At nokon ynskjer å kritisere det får vere deira greie.

Erling er ikkje ein asket som dei kanskje er, men lev ganske normalt, han et til og med ein sjokolade av og til om dei lurte.

Godt kosthald, mest mogleg reine råvarer, kos deg av og til. Folk får bestemme sjølve.»

Les også Unge kan for lite om sunt kosthold, viser ny forskning